جنرال عبدالرشید دوستم نینگ عیالی سیلاو ترغیباتیگه قوشیلدی

Image copyright bbc uzbek
Image caption زبیده دوستم(اوندن برینچی کیشی)

شمالی جوزجان ولایتی مرکزی شبرغان شهریده عبدالرشید دوستم نینگ تورموش اورتاغی زبیده دوستم اشتراکیده یوزلب عیال بیر مخصوص ییغین آرقه لی اشرف غنی احمدزی نینگ نامزدلیگی نی حمایه ایتیشلرینی اعلان قیلیشدی.

اولر اشرف غنی نی جمهور رییسلیککه اینگ مناسب شخص دیب، اونینگ برنامه لری اینیقسه، عیاللر گه عاید دستورلری نی قوللب قوتلشدی.

افغانستان جمهور رییسلیک نامزدلری اوز سعی و حرکتلری دوامیده ایکی نامزد هدایت امین ارسلا و گل آقا شیرزیلر اوز ارا ایتلاف قیلیشدی و باشقه نامزدلردن هم اولربیلن بیرگه بولیشلرینی سوره دی.

عین حالده، افغانستان نجات ملی جبهه سی داکتر اشرف غنی احمدزینی حمایه قیلیشینی اعلان قیلدی.

کیله جک جمهورر رییسلیک سیلاولریده نامزد هدایت امین ارسلا اوزی و گل آقا شیرزی اوز نامزدلیکلرینی زلمی رسول نینگ فایده سیگه اوتگنی حقیده گی میش میشلرنی رد ایتدی.

ارسلا جنابلری گه کوره، او سیلاو آلدی کمپاینلرینی بیرگه اوتکزیش مقصدیده گل آقا شیرزی بیلن کیلیشیب آلگن.

امین ارسلا بوگون کابلده اویوشتیریلگن ییغینده، باشقه بیرقطار نامزدلر بیلن هم علاقه ده ایکنی نی ایتیب، اولربیلن هم ایتلاف قیلیشی باره سیده امید بیلدیردی. او کیملر قیسی نامزدنینگ فایده سیپگه اوتیشی حقیده گی سوال گه بو هلی ایرته دیدی.

باشقه تماندن جهاد رهبرلریدن بیری صبغت الله مجدیدی باشچیلیگیده گی نجات ملی جبهه سی اشرف غنی احمدزی نینگ نامزدلیگینی حمایه ایتیشی نی اعلان قیلدی.

بو جبهه نینگ باش رهبری ذبیح الله مجددی شو مناسبت اوچون برپا ایتیلگن ییغینده، اشرف غنی بیلن بیر یازمه کیلیشوو اساسیده ایتلاف قیلگنینی معلوم قیلدی.

شو حالده، شمالی جوزجان ولایتی مرکزی شبرغان شهریده عبدالرشید دوستم نینگ تورموش اورتاغی زبیده دوستم اشتراکیده یوزلب عیال بیر مخصوص ییغین آرقه لی اشرف غنی احمدزی نینگ نامزدلیگی نی حمایه ایتیشلرینی اعلان قیلیشدی.

اولر اشرف غنی نی جمهور رییسلیککه اینگ مناسب شخص دیب، اونینگ برنامه لری اینیقسه، عیاللر گه عاید دستورلری نی قوللب قوتلشدی.

بوندن تشقری، بوگون داکتر عبدالله عبدالله کابلده صنعتی پارک صنعتکارلری اشتراکیده کمپاین یول گه قوییب، صنعتکارلر عبدالله عبدالله نامزدلیگی نی حمایه ایتیشلرینی اعلان قیلیشدی.

شونینگ دیک، 170 نفر قوم آق سقاللری ایکی نامزد قیوم کرزی و زلمی رسول اورته لریده واسطه چیلیک قیلیب، بیر ته سی نی باشقه سی نینگ فایده سیگه اوتیشی باره سیده سعی وحرکت آلیب بارماقده لر.