مزراشریف ده افغان، اوزبیک و قزاق تاجرلری سرمایه یاتقیزیش ساحه سیده کیلیشیب آلیشگن

Image copyright bbc uzbek

اوزبیکستان و قزاقستان اونلب تاجرلری سرمایه گزارلیکلر قنده ی لیگی نی محاکمه ایتیش اوچون مزارشریف گه کیلیشگن. اولر مزارشریف شهریده افغان، اوزبیک و قزاق تاجرلری ارا "باغله نیش" نامی آستیده گی کنفرانس ده اشتراک ایتیشگن.

کنفرانسده اوچله مملکت تاجرلری اورته سیده گی تجارت معمالری و تاجرلرنی بیر بیراولری بیلن باغله نیش مسله لری نی محاکمه ایتیشگن.

بو کنفرانسده بلخ ولایتی تاجرلری، محلی رسمیلری، قزاقستان نینگ افغانستان ده گی ایلچیسی، اوزبیکستان نینگ مزارشریفده گی قونسلخانه سی باشلیغی و بیرقطار عیالل تاجرلر اشتراک ایتیشدی.

کنفرانس اشتراکچیلری افغانستان، اوزبیکستان وقزاقستان ارا تجارت وسرمایه یاتقیزیش مسله لری نی محاکمه ایتیب، اقصتادی مناسبتلر کوچه ییشی باره سیده تاکیدلشدی.

کنفرانسده قزاقستان واوزبیکستان تمانی افغانستان شمالی ولایتلریده طبیات، ایکینچیلیک و خام اشیا بولیملریده سرمایه یاتقیزیشلری ممکنلیگی حقیده وعده بیریشدی.

شونینگ دیک بلخ ولایتی مسووللری اینیقسه تاجرلری مرکزی آسیا گه زراعتی محصولات، میوه و یاغ صادر ایتیشگه تیار ایکنلیکلرینی معلوم قیلیشدی.

بو کنفرانسده اوچله تماندن تاجر عیاللری هم اشتراک ایتیشگندی. اوزبیک وقزاق تاجرعیاللری افغان تاجرعیاللری تدبیری آستیده ایشلب چیقیله یاتگن توارلرنی خوش قرشیلب، بو توارلرنی مملکتلریگه صادر ایتیلیشینی طلب قیلیشدی.

ایتیلیشیچه، کیله سی ایکی آی اییچیده، عینآ شوکبی کنفرانس اوزبیکستان ده و اوندن سونگ قزاقستان وتاجیکستان ده بولیب اوته دی.

شونگه قره مسدن بلخ ولایتی تجارت اتاقی مسووللری، مملکت شمالی ده گی تاجرلرنینگ روسیه، تورکیه و ایران مملکتلریگه قیلگن صادرات میزانی 20 فایزگه آشگنی نی معلوم قیلیشماقده.

سونگی بیر نیچه ییل دوامیده افغان تاجرلری اوزبیکستان بندری آرقه لی اوتکزه دیگن محصولاتلری توغریسیده معما گه روپه ره ایدیلر، اما بو ییغینده رسمیلر یقین کیله جکده معما برطرف ایتیلیشی اوچون مرکزی آسیا ده گی بیش مملکت ده قوشمه تجارت اتاق ایجاد ایتیشلری نی وعده بیریشدی.