امریکا کابل حکومتی اوستیگه باسیم اوتکزماقده

Image copyright AFP
Image caption آق اويگه كوره، اوباما ايكکی مملكت ارا ايكي تمانلمه همكارليكلرني حمايه ايتيب، قوراللی مخالفلربيلن صلح جرياني و شفاف سيلاو بوليب اوتيشي ني حمايه قيليشيني ايتگن.

افغانستان جمهور ریئسلیگی، امریکا بوتون کوچلرینی افغانستاندن دن آلیب چیقیش مساله سینی محاکمی ایتمیدی، بلکی واشینگتن بو مساله نی بحث گه تشلش بیلن امنیتی کیلیشونی امضا له نیشی اوچون افغانستان حکومتینی باسم آستیگه آلماغچین. دیب ایتگن.

افغانستان جمهور رئیسی سوزچی سی ایمل فیضی گه کوره بو بو کیلشو جاری ییل آخریگچه امضا لنه دی .

عینی دمده

امریکا جمهوررییسی اوشبو دولت مدافعه وزيرليگي دن افغانستانده فعالیت آلیب باره یاتگن حربي كوچلرنينگ چيقيش زمينه سيني يره تيشي نی سوره گن بیرپیت امریکا حربی کوچلر باشلیغی مارتن دمپسی اوتگن کون کیچقرون افغانستانگه سفر قیلگن.

امریکا مدافعه وزیرلیگی تمانیدن ترقه تیلگن خبرنامه ده تاکیدله نیشیچه جناب دمپسی بگرام هوا قونالغاسیگه کیلگن، ناتو وامریکا نینگ یوقاری مرتبه لی جنرال لری بیلن اوچره شیشی ممکن لیگی ایتیلگن. شونین دیک امریکا حربی کوچلر باشلیغی اوزی بیلن کیلگن خبرنگارلرگه باراک اوباما بویوروغی اساسیده سفر قیلگنی ایتیلیب امریکا کوچلری نینگ افغانستانده توزگن ریجه لرینی نهایی قیلیش نی امریکا حربیلردن سوره گنی خبرنامه ده قید ایتیلگن.

افغانستان رایاست جمهوررلیک سرایی سوزچی اورین باسری عادله راز بی بی سی بیلن بولگن صحبتیده اوشبو سفر حقیده شوندی دیدی:"امریکا مستقل بیردولت صفتیده بوییرده حربیلری فعالیت آلیب بارماقده،دمپسی هرقندی بیر یوقاری امریکالیک حربی افغانستان گه کیلیب حربی لری بیلن اوچره شگه حقلری بار.بو امریکالیک مقام برچه کوچلرینی افغانستان دن الیب چیقیش اوچون کیلگنمی بوباره ده ایتسم امریکا میلادی 2014 اخرلریگه چه افغانستانگه بوله دی. کرزی و اوباما اره سیده گی تیلفونی علاقه و امریکا مدافعه وزیرلیگی اعلامیه سیده هم بومساله اچیق ایتیلگن."

آق اوي نينگ ايتيشيچه، امريكا دولتي افغانستان بيلن خوفسيزليك پيمان امضالشگه رغبت كورستيب، ميلادي 2014 ييلدن سونگ افغان حربيلريني تيارگرليك دن اوتكزيش و القاعده گه باغليق گروه لرني قيديريش اوچون بيرتعداد حربيلريني بو مملكتده قالديريشيگه طرفدار. اما امریکا جمهورریسی باراک اوباما کونی کیچه جمهوررییس کرزی بیلن تیلفونی علاقه قوریب امريكا دولتي 2014 ييل اداغيگچه اوز حربيلريني افغانستان دن آليب چيقيشي ممكن ليگي باره سيده آگاه لنتيرگن. عین حالده ایککی رهبراره سیده گی تیلفونی صحبت یخشی بولیب اوتمه گنی حقیده خبرلر ترقلماقده اما خانم عادله راز بوکبی خبرلرنی رد ایتیب شوندی دیدی:" اوباما و حامدکرزی اره سیده تیلفونی صحبت دوستانه شکلده بولیب اوتدی. بو تیلفونی علاقه ده ایککی جمهوررییس صلح جریانی سیلاولر شونینگ امنیتی پیمان باره سیده صحبت قیلدیلر. هیچ قندی یمان مناسبت بیلدیرمه گن سیز ایته سیز کی امنیت پیمان باره سیده کرزی اگاه لنتیریلگن بوندی بولمه گن دیدی عادله راز"

عين حالده، آق اوی تمانيدن ترقلگن مكتوبده خوفسيزليك بيتيم نينگ امضالنيشي قنچه كه كيچيكتيريلسه، امريكا ليك كوچلرنينگ افغانستان ني ترك ايتيش احتمالي كوچه ييشي ممكنليگي تاكيدلنگن.

آق اويگه كوره، اوباما ايكکی مملكت ارا ايكي تمانلمه همكارليكلرني حمايه ايتيب، قوراللی مخالفلربيلن صلح جرياني و شفاف سيلاو بوليب اوتيشي ني حمايه قيليشيني ايتگن.

اوتگن ييل نينگ آخرلريده افغانستان و امريكا ارا خوفسيزليك بيتيم امضالنيشي مسله سي باره سيده كابلده لويه جرگه اوتكزيليب، اونده جرگه اعضالري بيتيم ني تصديقلب، جمهوررييس كرزي دن تيزليك بيلن امضالشيني سوره دي.

اما حامدكرزي بونگه اوز شرطلريني ايلگري سوريب، شرطلر انابتگه آلينمه گن تقديرده امضاله مسلیگینی تاکیدلب کیلماقده.