عبدالله عبدالله: حامدکرزی سیلاولر جریانیگه اره لشماقده

Image caption بوگون کابل ده گی غازی استدیومیده اویوشتیریلگن یغینده داکتر عبدالله عبدالله اوز اورین باسرلری بیلن حضور تاپیب کیله جک سیلاوباره سیده فکر بیلدیردی.

کیله جک جمهوررییسلیک سیلاو نامزدلریدن داکتر عبدالله عبدالله افغانستان جمهوررییسی حامدکرزی نی سیلاولر جریانی گه اره لشه یاتگنلیککه عیبلب له دی.جناب عبدالله بوگون کابلده اوز طرفدارلری حضوریده شوندی بیانات بیلن چیقدی.

بوگون کابل ده گی غازی استدیومیده اویوشتیریلگن یغینده داکتر عبدالله عبدالله اوز اورین باسرلری بیلن حضور تاپیب کیله جک سیلاوباره سیده فکر بیلدیردی. او اوز سوزلری دوامیده جمهوررییس کرزی نی سیلاولر مساله لریگه اره لشه یاتگنلیککه عیبلب چیقدی. عبدالله عبدالله جمهوررییس کرزی انیق قیسی نامزد دن حمایت بیلدیره یاتگنی باره سیده هیچ نرسه ایتمه دی، لیکن کرزی بی طرف ایمس بلکه نامزدلر بیریدن حمایت قیله یاتگنینی تیلگه آلدی، اما بوندن الدین افغانستان جمهوررییسی حامدکرزی هیچ بیرنامزد دن حمایت قیلمسلیگینی ایتیب دولتی امکانیت لردن بیرنامزد منفعتی ویا ضرریگه فایده لنیشگه ایزین بیرمسلیگینی ایتگن ایدی.

بوندن بیرنیچه کون آلدین اوزگریش وصلاح ناملی یاشلر ترماغی هم کابلده بیر یغین اوتکزیب کرزی نی سیلاولر جریانیگه اره لشه یاتگن لیککه عیبلب چیققن ایدی.اوتگن بیر نیچه کون ده بیرقطار نامزدلربیری نینگ منفعتی گه اوتیش اوچون مملکت نینگ بیر قطار ولایت لریدن کیلگن اونلب قوم آقسقاللری تمانیدن سعی وحرکت بولگن ایدی. لیکن ییغین نینگ بیرینچی کونیده نامزدلردن محمد شفیق گل آقا شیرزی هیچ بیر نامزد منفعتی گه اوتمسلیگی نی بیلدیرگندی. بونینگ آرتیدن جمهور رئیس نامزدلری دن قیوم کرزی بیلن زلمی رسول آره سیده بیر- بیریگه اوتیشی اوچون سعی وحرکت لرهم باشله نیب دوشنبه کونی کیچقرونگچه دوام ایتیب بوهم نتیجه سیز یکونله دی.

شونینگ دیک اونلب قوم اقسقاللری عینی مقصد بیلن کرزی بیلن اوچره شگنی قطار تنقید لرگه سبب بولدی. لیکن جمهوررییس لیک سرای قوم باشلیغ لری اوز ایستک لری اساسیده کرزی بیلن اوچره شگنینی ایتیب جمهوررییس سیلاولر جریانیگه اره لشه یاتگن دیگن ادعا لرنی رد ایتدی.