جمهور رئیس لیککه نامزد لر سرمایه یاتقیزیش توغری انیق ریجه گه ایگه می ؟

Image caption افغانستان تجارت اتاقی نینگ معاونی خان جان الکوزی سرمایه یاتقیزیش خصوصیده فسادگه قرشی جدی کوره شیش کیره ک لیگینی تاکیدله دی.

افغانستان تجارت اتاقی سرمایه یاتقیزیش خصوصیده فعالیت آلیب باره یاتگن "حرکت " ناملی اداره تامانیدن ملی کنفراس یولگه قوییلدی، افغانستان بویلب تاجرلر وسرمایه یاتقیزوچیلراشتراکی بیلن اوتکزیلگن کنفرانس ده خصوصی سکتور فعالیت لری توغریسیده گی معمالر کوریب چیقیلدی.

مذکور یغیلیش نتیجه سی بیر تکلیف اساسیده تیارله نیب کیله جک جمهوررییسلیک نامزدلری بیلن اورته گه قوییلیشی ممکن.

حرکت اداره سی نینگ رییسی محمد نسیم اکبر سرمایه یاتقیزیش موضوعی قولی شرایط یره تیلیشیگه باغلیق ایکنینی تیلگه آلدی.

اونینگ ایتیشیچه، تینچلیک، اداری فسادگه قرشی کوره شیش، سرمایه یاتقیزوچیلرنی ترغیب ایتیش برنامه لری نی عملی قیلیش، همده برق قوتیدن فایده له نیش اوچون قولی لیک یره تیلیشی گه سرمایه یاتقیزوچیلرنی جدی نیازی بار. اکبر زاده جنابلری شونینگدیک دولت نینگ اقتصادی برنامه لری قندی لیگی هم سرمایه یاتقیزیش اوچون اوته مهم لیگینی تاکیدله دی.

افغانستان تجارت اتاقی نینگ معاونی خان جان الکوزی سرمایه یاتقیزیش خصوصیده فسادگه قرشی جدی کوره شیش کیره ک لیگینی تاکیدله دی.

شونینگ دیک افغانستان تجارت اتاقی نامزد لر اشتراکی بیلن اقتصادی مناظره زمینه سینی یرتماقچی.

افغانستان تجارت اتاقی نینگ رییسی قربان حقجو اوشبو کنفرانس ده آلغه سوریلگن طلب لر جمهوررییسلیک نامزدلری اختیاریده قوییلیشینی تیلگه آلیب سرمایه یاتقیزوچیلر تمانیدن الغه سوریلگن طلب لرنی عملی قیلیش اوچون نامزدلردن تعهد آلینیشینی ایتیب شوندی دیدی:" افغانستان خلقی سیاسی اوین لر، قوم پرست لیک و ایتلاف لردن چرچه گن."

اونینگ ایتیشیچه حکومت اوزگریشی بیلن حکومت نینگ کون ترتیبیده تورگن اقتصادی ایشلری هم اوزگریشی ممکن.