"عیاللرگه قرشی زوروانلیک عامللری اولیم جزاسیگه هم حکم ایتیلگن"

عیاللرگه قرشی زوروانلیک حاللرینی الدینی الیش قانونی نینگ عملده جاری ایتیلیشی خصوصیده گی بیرینچی حسابات نشر ایتیلدی. حساباتده 1391 قویاش ییل قریب 4500 زوروانلیک حاللری افغانستان نینگ 32 ولایتیده رویخگه آلینگنی معلوم قیلینگن.

افغانستان عیاللر وزیرلیگی اوشبو قانون نی عملی بولیشی عیاللرگه قرشی زوروانلیک حاللرینی الدینی آلیش گه ایجابی بیر قدم بولگنینی اورغوله گن. حساباتده یازلیشیچه، عیاللرگه قرشی زوروانلیک حاللری نینگ کوپراغی پایتخت کابل ، هرات ، تخار ، بلخ و کاپیا ولایت لریده رویخط گه آلینگن.

افغانستان عیاللر وزیرلیگی نینگ معلوم قیلیشیچه، اوشبو حسابات قاره لاوچیلیک اداره سی، عالی محکمه و ایچکی ایشلر وزیرلیگی همکارلیگی بیلن تیارلنگن. حساباتده کیلتیریشچه افغانستا نینگ 32 ولایتیده 4505 زوروانلیک حاللری رویخط گه آلینگن. عیاللرگه قرشی زوروانلیک لرنی کوپراغی ایسه پایتخت کابل، هرات ، تخار ، بلخ و کاپیسا ولایتلریده رویخط گه آلینگن. بو رقم ایسه افغانستان بویلب یوزبیرگن زووانلیک حاللری نینگ قریب یریمینی تشکیل بیره دی. افغانستان عیاللر وزیرلیگی اورین باسری مژگان مصطفوی جمعیت کوپچیلیگی مردم نینگ معلوماتی آشگنی بونگه اساسی عامل دیب فکر بیلدیردی:"بیرینچیدن جمعیت سانی کوپ باشقه تماندن مردم معلوماتی آشگن، زوروانلیک حاللری خصوصیده حسابات تیارلش اوچون مردم نینگ معلوماتی تاثیر قویه دی. بعضی ولایت لرده حاضرگه قدرهم قبیله وی حیات حاکم اوشبو ولایت لرده هم کوپینچه زوروانلیک حاللری یوزبیره دی. بوکبی حاللر ایزلنمیدی حتی رویخط گه آلینمیدی. بیر عیال قتل ایتلسه بیزگه معلومات بیرمسلیگی ممکن."

رسمیلرگه کوره، رویخط گه الینگن زوروانلیک حاللریدن 95 فایزی تیکشروودن اوتکزیلگن. 41 فایزی واسطه چیلیک اساسیده حل ایتیلگن. زوزوانلیک لرنی 47 فایزی تورلی اداره لرتمانیدن تیکشریله یاتگنی ایتلماقده.عیاللرگه قرشی اویوشتیریلگن ایریم زوروانلیک حاللری خصوصیده اعدام جزا چیقه ریلیشی گه قرار قیلینگن. کنرده تورت حالت هرات ایککی، بلخ، عزنی جوزجان وقندهار ولایت لریده بیر بیر حالت رویخط آلینگن.افغانستان عالی محکمه سی نینگ تفتیش بولیم مسوولی امرالله ابدالی بوحقده شوندی دیدی:"عالی محکمه، عیاللرگه قرشی زوروانلیک قانونیگه ماس عمل قیلگن.ایریم لرنی گناه سیز تانیب ایریملرنی هم اعدام جزاسیگه محکوم ایتگن.اون ولایت ده ییگرمه کیشی اعدام جزاسیگه محکوم بولیش حکمی گه کیرتیلگن اوچ ته سی نینگ دوسیه نهای بولگن. باشقه قالگنی نینگ دوسیه لری تیکشریلماقده. جمهوررییس تمانیدن تصدیق لنگنیدن سونگ عملی بولیشی ممکن."عیاللر وزیرلیگی تمانیدن تیارلنگن حساباتده زوروانلیک حاللرینی الدینی آلیش کمیسیونی افغانستان نینگ 23 ولایتیده ایجاد ایتیلگن وباشقه ولایت لردهم بو کمیسیون ایجاد ایتلیشی ضرورلیگی اروغولنگن.