لوگرده یوزبیرگن پارتلشده کمیده 13 کیشی هلاک بولگن

Image caption لوگر ولایت مرکزی پل علم شهریده موترگه جایلشتیریلگن بمب پارتلش نتیجه سیده آلتی پاکستان لیک داخل 13 کیشی هلاک بولگن.

لوگر ولایت مرکزی پل علم شهریده موترگه جایلشتیریلگن بمب پارتلش نتیجه سیده آلتی پاکستان لیک داخل 13 کیشی هلاک بولگن.شونینگ دیک سرپل ولایتیده طالبان نینگ محلی قوماندانی داخل 3 عصیانچی هلاک بولگن.

لوگر ولایتی نینگ ولایت حاکمی سوزچیسی دین محمد درویش بوموتر انتحاری هجوم اویوشتیریش اوچون تیارلنگن بولیشی ممکن لیگینی ایتگن، اما هجوم اویوشتیریلمسدن الدین پل علم شهریگه تیگیشلی بابوس منطقه سیده موتر پارک قیلینگن مکانده پارتله گن.

محلی مقاملرنینگ ایتیشلریچه، ایککی عیال و ایککی باله هم هلاک بولگن لر جمله سیگه دیر. حاضرگه قدرهم قوراللی عصیانچیلر بوخصوصده قنده ی دیرمناسبت بیلدیرمه گن همده موتر قنده ی قیلیب اوییرگه ییتکزیلگنی و هجوم دن مقصد کیم بولگنی هم بیللی ایمس. محلی مقاملر حادثه یوزه سیدن تیکشیرو ایشلر باشلنگنیدن خبربیرگن.