قیوم کرزی زلمی رسول منفتی گه اوتدی

جمهوررییسلیک سیلاو نامزد لریدن عبدالقیوم کرزی باشقه بیر نامزد زلمی رسول منفتی گه اوتدی. عینی مناسبت بیلن کابلده اویوشتیریلگن یغینده، عبدالقیوم کرزی سوزگه چیقیب ملی منفعت اساسیده بو قرار آلینگنینی تاکیدله دی.

عینی حالده او، زلمی رسول منفتیگه اوتیش اوچون اوز طرفدارلری بیلن چقور مصلحت لر اوتکزگنینی تیلگه آلدی:" سیلاو تیمیم و 28 ولایت وکیللری همده نفوذلی شخصیت لر بیلن مصلحت لر اوتکزیب زلمی رسول تیمی بیلن کوزله گن مقصد گه ایرشیش اوچون بو قرارنی اعلان قیله من."

جمهوررییسلیک سیلاو نامزدلریدن زلمی رسول قیوم کرزی قرارینی آلقیش لب مملکت نینگ حاضرگی شرایطی گه قره گنده مهم ومعقول بیرقرار آلدی دیب فکربیلدیردی.

نامزدلرنینگ بیر_ بیریگه اوتیش سعی و حرکتی بوندن بیرنیچه هفته آلدین باشلنگن ایدی.

عینی حالده قوم آقسقال لری بوندن الدین ا فغانستان جمهور رئیسی هم اوز ایناغه سی قیوم کرزی دن باشقه بیر نامزد منفعتی گه اوتیشی نی طلب قیلگنینی معلوم قیلگن ایدی.

بوکبی سعی و حرکت لر قطار تنقیدلرگه هم سبب بولدی. ایریم لر بو جریان آرتیده جمهوررییس کرزی قولی بولگنینی ادعا قیلیب شوباعث کرزینی سیلاولر جریانی گه اره لشه یاتگنلیککه عیبلب چیقدی.

قیرق دن آرتیق مدنی تشکیلات لردن وکالت قیله یاتگن اوزگریش واصلاح ناملی فعال یاشلرترماغی کابل ده ییغین یولگه قوییب افغانستان جمهور رئیسی نی سیلاولرجریانیگه اره لشه یاتگن لیککه عیب لب چیقدیلر.شونینگ دیک جمهوررییسلیک نامزدلریدن داکتر عبدالله عبدالله هم جمهوررییس کرزینی سیلاولر جریانی گه اره لشه یاتگنلیککه عیبله گن ایدی.

جمهوررئیسلیک سرایی بوادعالرنی رد ایتیب افغانستان جمهور رئیسی عدالتلی وشفاف سیلاوبولیب اوتیشیگه تعهدلی دیب ایتماقده.