حامدکرزی سریلنکاگه سفر قیلدی

کرزی جنابلری، جاری ییل باشلریده سریلنکاگه سفرقیلماقچی ایدی، اما کنرده طالبان نینگ ملی اردو عسکرلریگه قیلگن قانلی هجومی سبب، سفرینی آرتده قالدیردی.

جمهور رییسلیک اداره سی نینگ اعلان قیلیشیچه، حامدکرزی بوگون ایرته لب بیر اوچ کونلیک رسمی سفر بیلن سریلنکاگه ییتیب بارگن.

جمهوررییسلیک سرایی نینگ خبرنامه سیده، کرزی جنابلری بو سفرده سریلنکا جمهور رییسی جاپاسکا بیلن اوچره شیب، ایکله مملکت مناسبتلری باره سیده مذاکره قیلیشی ممکنکلیگی قید ایتیلگن.

سرای گه کوره، بو سفر ده ایکله مملکت رهبرلری بیر کیلیشوونامه نی امضالب، عالی تعلیم، سپورت، ساغلیق و خدمت کورستیش ساحه لریده اوچ حجت گه قول قوییشه دی.

کرزی جنابلری نینگ بوسفرده تشقی ایشلروزیری ضراراحمد عثمانی، ملی خوفسیزلیک مصلحتچیسی دادفر اسپنتا، خلق علاقه لر مصلحتچیسی یحیی معروفی، عالی تحصلات وزیری عبیدالله عبید، ایش ومحنت بوییچه وزیری آمنه افضلی و ساغلیق نی سقلش وزیری ثریا دلیل یولداشلیک قیله دی.