لوگرده ناتوی نینگ هوای هجومیده 5 افغان عسکری هلاک بولدی

Image copyright AFP

افغانستان مدافعه وزیرلیگی نینگ خبرقیلیشیچه، ناتو کوچلری نینگ لوگرده اویوشتیرگن هوای هجومیده بیش افغان عسکری اولیب و باشقه سککیز عسکر یره لنگن. ایساف بو خبرنی تصدیق لب توشینمسدن افغان عسکرلری نشانگه آلینگنینی ایتگن.

مدافعه وزیرلیگی سوزچسی ظاهر عظیمی هلاک بولگن لر جسدلری و یره لنگن لر کابل گه ییتکزیلگنینی ایتیب، حادثه نی تیکشریش اوچون محل گه هیات بویابریلگنینی معلوم قیلگن.

عینیی حالده خلق ارا ایساف کوچلری بیر بیانات ترقه تیب کمیده بیش اردو عسکری هلاک بولگنینی تصدیق لب اوشبو عسکر لر توشینمسدن نشانگه آلگنینی ایتگن. همده ایساف کوچلری حادثه یوزه سیدن تحقیقات ایشلر باشلگنیدن خبربیرگن.

شونینگ دیک بیاناتده خارجی و افغان امنیتی کوچلر اره سیده مستحکم علاقه لر دوام تارتیشی ایساف کوچلری اوچون اوته مهم لیگی اورغولنگن.

حاضرگه قدرهم بوحادثه قندی یوزبیرگنی معلوم ایمس، اما ایساف کوچلری شوندی حادثه لر یوزبیریشی آلدی آلینیشی اوچون قندی چاره کوریلیشی ممکن لیگی انیق له نیشینی ایتگن.