افغانستان شرقیده یوزبیرگن پارتلشلرده تومن حاکمی داخل7 کیشی هلاک بولدی

افغانستان شرقیده جایلشگن ننگرهار ولایت مرکزی جلال آباد شهریده یوزبیرگن پارتلش ده اوشبو ولایتی گه تیگیشلی نازیانو تومن حاکمی هلاک بولیب وباشقه آلتی کیشی یره لنگن. شونینگدیک یول چیککه سیگه اورنه تیلگن ماین پارتلشی نتیجه سیده 6 عسکر قربان بولگن.

جلال آباد کسلخانه مسووللریدن بیری داکتر نجیب الله کامه وال بی بی سی بیلن بولگن صحبتیده یره لنگن آلتی کیشی وبیرجسد کسلخانه گه الیب کیلینگنینی ایتدی.

ماین تومن حاکمی موتریگه یاپیشتیریلگن ایکن. ننگرهار پلیس اداره سی نینگ سوزچیسی حسین مشرقیوال گه کوره، پارتلشده نازیانو تومن حاکمی آغا زواک هلاک بولیب و بیر قوریقچیسی یره لنگن.

باشقه تاماندن ننگرهار و لغمان ولایت مرکزی مهترلام اره سیده گی یولده ماین پارتلش عاقبتیده 6 عسکر هلاک بولگن.

لغمان ولایتی نینگ ولایت حاکمی سوزچیسی سرحدی زواک هلاک بولگنلردن تورته سی ملی اردو عسکری، ایککی سی هم ملی پلیس و باشقه بیری هم محلی پلیس عسکرلریدن بولگنینی معلوم قیلگن.

حاضرگه قدرهم پارتلشلر مسوولیتی نی هیچ بیرگروه یاشخص اوز بوینیگه آلمه گن، بیراق شوندی حادثه لر قوراللی عصیانچیلرگه نسبت بیریله دی.