محمد قسیم فهیم نینگ جسدی کابلده توپراققه تاپشیریلیشيگه قرارقيليندي

Image caption کمیسیون قسیم فهیم جنازه سی ارککه اوقیلیب، جسدی کابلده توپراققه تاپشیریلیشی گه قرار آلینیگنینی معلوم قیلدی.

محمد قیسیم فهم جنازه سی مراسمي ایرته جمهور رییسلیک سرایيده اوتكزيليب، کابلده توپراققه تاپشیریلیشی معلوم قیلیندی. بیراق بوندن آلدین قسیم فهیم جسدی پنجشیرده توپراققه تاپشیریلیشی ممکنلیگی ایتیلگندي.

افغانستان جهوررییسلیک قراری اساسیده قسیم فهیم نینگ فاتحه وتوپراققه تاپشیریش مراسمی اوچون افغانستان ایچکی ایشلر وزیری باشچيليگيده مخصوص بیر کمیسیون ایجاد ایتیلگن.

مذکور کمیسیون قسیم فهیم جنازه سی ارککه اوقیلیب، جسدی کابلده توپراققه تاپشیریلیشی گه قرار آلینیگنینی معلوم قیلدی.

شونینگ دیک، بوگون محمد قسیم فهیم اویي و سردار محمد داوودخان کسلخانه سیده دعا مراسمی برپا ایتیلگن. مذکور مراسم ملی تلویزیون آرقه لی جانلی روشده نشر ايتيلماقده.

جمهوررییس نينگ بیرینچی اورین باسری محمد قسیم فهیم یوره ک خروجي طفيلي کابلده گی اويیده اوتگن کون 56 یاشیده عالم دن اوتدی.

اونینگ عالم دن اوتیشی ایچکی و تشقی مناسبت لربیلن بیرگه بولدی.

افغانستان جمهوررئیسی حامدکرزی قسیم فهیم اولیمینی کتته بیر ضایعه ديب، تسلیت ایتگن. فهیم قسیم اولیمی مناسبتی بیلن اوچ کونلیک ملی ماتم اعلان قیلينيب، افغانستان بیراغی یریم توشیریله دی. همده اونینگ توپراققه تاپشیریش مراسمی اوچون ایرته افغانستان بویلب بیرکونلیک تعطیل اعلان قیلیندی.

قسیم فهیم 1957 ییل پنجشیر ولایتیده دنیاگه کیلگن. حامدکرزی نینگ بیرینچی حاكميتي دوريده افغانستان مدافعه وزیري صفتیده هم وظیفه آلیب بارگن.

افغانستان باش قانونیگه کوره، جمهور رئیس اورین باسرلریدن بیری " استعفاگه چیقسه یا وفات ایتگن تقدیرده"، جمهور رئیس ایسه، افغانستان مجلسی تصدیقی بیلن باشقه بیرکیشی نی اونینگ اورنیده تنیشتیریشی ممکن.