نامعلوم قوراللی شخصلر کابلده بیرخارجی ژورنالیستنی اولدیردی

Image copyright AP
Image caption هورنر ایکی مملکت یعنی سویدن و بیریتانیا وطنداشی بولیب، یقین کونلرده افغانستان سیلاولری حقیده گی خبرلرنی ترقه تیش اوچون کابلگه کیلگندی دییدی.

بو ژورنالیست کابل شهری نینگ وزیراکبرخان منطقه سیده اوق بیلن آتیب اولدیریلگن.

ایتیلیشیچه، مذکور ژورنالیست نینگ اسمی نیل هورنر بولیب، سویدنلیک رادیولردن بیریده ایشلرایکن.

بی بی سی نینگ کابلده گی درکچیسی کارولاین وایت، هورنر ایکی مملکت یعنی سویدن و بیریتانیا وطنداشی بولیب، یقین کونلرده افغانستان سیلاولری حقیده گی خبرلرنی ترقه تیش اوچون کابلگه کیلگندی دییدی.

افغانستان ایچکی ایشلروزیرلیگی هم بو ژورنالیست باشی گه اوق تیگیب اولگنی نی تصدیقله گن.

اما گاردین روزنامه سی محلی گواهلر دن بیریگه ته یه نیب، بیر اوق نینگ سیسینی ایشیتگنده بیر کیشی نینگ ییرگه ییقیلگنی نی کورگنی نی ایتگن.

ایتیلیشیچه، ایچکی ایشلروزیرلیگی سوزچیسی معاونی بی بی سیگه، سویدن لیک ژورنالیست ایکی قوراللی شخص تمانیدن اولدیریلگنی نی ایتگن.

اما هنوز گچه بو هجوم مسوولیتی نی هیچ کیم اوز ذمه سیگه آلمه گن. پولیس ایسه تحقیقات باشله گن.

وزیر اکبرخانه محله سی کابل شهری نینگ مرکزیده جایلشگن، و اکثر ایلچیخانه لر و خلق ارا اداره لر هم او ییرده ییرلشگن.

مذکور محل پولیس تمانیدن قتیق قمره ب آلینگن.

نیچه آی آلدین کابلده لبنانی رستورانت گه قیلینگن هجوم ده 21 کیشی اولگندی و اولردن 13 ته سی نی خارجی لر تشکیل بیرردی.