افغانستان جمهور رئیسی بیرینچی اورین باسری نینگ توپراققه تاپشیریش مراسمی اوتکزیلماقده

گزارش لرگه کوره اونینگ جسدی محمد داوودخان کسلخانه سیدن جمهور رئیس لیک سرایی گه آلیب کیلیندی.

مارشال فهیم نینگ جنازه سی کوپچیلیک کیشی اشتراکی بیلن نامزدلردن عبدالرب رسول سیاف امامتی بیلن ادا ایتیلدی.

بو مراسم ده اشتراک ایتگن خارجی مهمانلر تمانیدن فهیم جنابلری تابوت مقابلیده بیر لحظه قرار تاپیب حرمت بیلدیریلدی.

جنازه اوقیلیشی بیلن افغانستان جمهور رئیسی سوزگه چیقیب اونی یقین دوست ودولت ایشلریگه صمیمی همکاروخذمت گار کیشی دیب، فهیم جنابلری نی افغانستان خلقی قولدن بیرگنی نی تیل گه آلدی.

عین پیتده افغانستان جمهور رئیسی نینگ بیرینچی اورین باسری فهیم جنابلری نینگ اوغلی هم سوزله شیب بیرینچی دن جنازه مراسمی گه قتنشگن برچه اشتراک چی لریدن اوز منتدارچیلیگی نی بیلدیریدی، کیین اونینگ قیسقه ترجمه حالی نی ذکرایتدی.

اونینگ جنازه مراسمی جریانی بیرنیچه تلویزیوندن جانلی روشده کورسه تیلماقده.

جنازه مراسمی نینگ اوتکزیش کمیسیونی نینگ معلوم قیلیشیچه بو مراسم ده امریکا وقوشنی مملکت لریوقاری مرتبه لی رسمی لری اشتراک قیلیش لرینی ایتگن لر.

افغانستانده گی امریکا ایلچی خانه سی افغانستان جمهور رئیسی نینگ بیرینچی اورین باسری عالم دن کوزیومگنی باره سیده تسلیت اظهار ایتیب مرحومی بومملکتده ینگی دولت تشکیل تاپیشیگه مهم رول اوینه گنی نی بیلدیرگن.

هندوستان جمهور رئیسی اورین باسری هند حمید انصاری فهیم جنابلری نینگ جنازه مراسمیگه قتنه شیش اوچون کابل گه ییتیب کیلدی.

افغانستان ایچکی ایشلر وزیری اوتگن کونی بو مراسم ده 50دن آرتیق مملکت وکیللری اشتراک قیلیشی نی معلوم قیلگن ایدی.

فهیم جنابلری نینگ جسد ی جمهور رئیس سرایی دن کابل نینگ بادام باغ ناملی منطقه سی گه آلیب باریلیب توپراققه تاپشیریله دی.

فهیم جنابلری18حوت، یکشنبه کونی کابلده یورک کسلیگی سبب بو دنیادن اوتدی .

افغانستان حکومتی اونینگ عالمدن اوتگنی سببب اوچ کون ملی ماتم اعلان ایتدی. اوشبو کونلرده افغانستان بیراغی هم مملکتده و تشقری مملکت لرده گی وکلالت خانه لریده یریم کوتیریله دی.