افغانستان جنوبیده اوچ انتحارچی اولدیریلدی

Image copyright BBC World Service

قندهار ولایت مقاملری نینگ ایتیشلریچه، اوشبو ولایتده جایلیشگن استخبارات اداره لریدن بیری گه هجوم قیلیشنی مقصد قیلگن اوچ انتحارچی امنیتی کوچلر تمانیدن آتیب اولدیریلگن. طالبان اوشبوهجوم مسوولیتی نی اوز بوینیگه آلگن.

بو شخصلر یوزبیرگن بیرساعت لیک آتیشمه نتیجه سیده هلاک ایتیلگن.

قندهار ولایتی نینگ پلیس اداره سی سوزچیسی غورزنگ افریدی گه کوره، هجومچیلری اوشبو ولایتده جایلشگن امنیت اداره سی گه باستریب کیریشینی مقصد قیلگن ایکن. اما امنیتی کوچلر تمانیدن انیق له نیب هجومچیلر و امنیتی کوچلر اره سیده یوزبیرگن توقنه شوده هلاک بولگن لر.

مقاملرگه کوره هجومگه توتیلیشی مقصد قیلینگن، امنیت دفتریده عیبدار کیشلر اوستیدن تحقیقات اوتکزیلماقده.

افریدی جنابلری عصیانچیلر و امنیت کوچلر آره سیده یوزبیرگن بیر ساعت لیک توقنه شوو ده اوچ هجومچی هلاک بولگنینی ایتدی، عینی حالده او ملی امنیت نینگ ایککی عسکری وبیر عیال هم یره لنگنی نی معلوم قیلدی.

افریدی نینگ بیلدیریشیچه اوشبو حادثه ده تینچ فقرا تلفات کورمه گن. طالبان گروهی هجوم مسوولتینی اوز ذمه سیگه آلگن، همده اوشبو مرکزده ناتوغری قرارلر قبول قیلنیشی باعث هجوم گه آلینگنینی ایتگن.

قندهارولایتی افغانستان جنوبیده جایلشگن بولیب طالبان عصیانچیلری انچه فعال بولگنی ایتیله دی.