فدای محاذ نامیده گی طالبان حرکتی سویدن لیک ژونالیست نی اولدیرگنلیگینی تن آلدی

Image copyright

فدای محاذ نامیده گی طالبان حرکتی سویدن لیک ژورنالیست نیلزهورنر، اوشبو گروه آدملری تمانیدن اولدیریلگنینی ادعا قیلگن. اما طالبان گروهی سوزچیسی ذبیح الله مجاهد مذکور ژونالیست طالبان گروهی تمانیدن اولدیریلمه گنینی ایتگن ایدی.

سویودنلیک رادیولردن بیریده فعالیت آلیب باره یاتگن ژونالیست نیلز هورنر سه شنبه کونی نا انیق قوراللی تمانیدن کابل مرکزیده آتیب اولدیریلدی.

اوزینی اوشبو گروه سوزچیسی دیب ته نیشتیرگن قاری حمزه بی بی سی خبرنگاری بیلن تیلفونی علاقه قوریب هورنر جنابلری اوشبو گروه آدملری تمانیدن کابل ده اولدیریلگنینی ادعا قیلگن.

هورنر ایکی مملکت یعنی سویدن و بیریتانیا وطنداشی بولیب، یقین کونلرده افغانستان سیلاولری حقیده گی خبرلرنی ترقه تیش اوچون کابلگه کیلگن ایدی.

قازی حمزه نینگ ادعا قیلیشیچه نیلز هورنر منطقه ده گی استخبارات ترماغ لریدن بیری نینگ ایشچیسی بولیب ژورنالیست صفتیده کابلگه کیلگن ایکن.

اما سویدن لیک رادیو مسووللری هورنر جنابلری ایریم خبرلر ترقه تیش اوچون افغانستان گه بارگنینی ایتیب هجوم دن الدین سویدن ده گی همکسبلری بیلن تلفونی صحبت قیلگنینی معلوم قیلگن.

رادیو تمانیدن نشر ایتیلگن گزارش ده مذکور ژورنالیست اوز همکسبلری بیلن سونگ تلفونی علاقه ده سیلاولر گه عاید موضوع باره سیده صحبت قیلگن.

ایرکین مطبوعات نی حمایت ایتووچی" نی " ناملی تشکیلات اوشبو خبرنگار نشانگه آلینگنینی قتیق قاره لب چیققن.

فدای محاذ ناملی طالبان حرکتی گروهی، طالبان گروهی اوچون قطرده دفتر آچیلیشی دن سونگ بیرینچی بار مطبوعات ده فکربیلدیردی.

ایتیلیشیچه بو گروه طالبان گروهی گه تیگیشلی و مذاکره آلیب باریش جریانیگه جدی مخالف بولگن.

لوگر ولایتی نینگ آلدینکی حاکمی ارسلا جمال ترور مسوولیتی نی هم اوشبو گروه اوز ذمه سیگه آلگن ایدی.