مدافعه وزیرلیگی : کنردن طالبان آلیب کیتگن 4 عسکر اولربیلن علاقه ده ایکن

Image copyright AFP

افغانستان مدافعه وزیرلیگی کنرده گی امنیتی قرارگاه لریدن بیری گه اویوشتیریلگن هجوم باره سیده تحقیقات نتیجه سینی اعلان قیلدی. تحقیقات ده تورت اردو عسکری طالبان بیلن علاقه دارلیکده بولگنی معلوم قیلینگن.

بوندن آلدین کنر ولایتی نینگ غازی آباد تومنیده گی حربی قرارگاه لریدن بیری گه طالبان عصیانچیلری هجوم قیلیب نتیجه ده 21 ملی ارودعسکرینی قربان قیلدی. عسکرلرنینگ هلاک ایتیلیشی قطار تنقیدلرگه سبب بولیب پوسته ده گی تورت عسکر طالبان بیلن علاقه قورگنی ایتیلگن ایدی. شوندی تنقید لر سبب افغانستان مدافعه وزیرلیگی حادثه یوزه سیدن تحقیقات اوتکزیشینی اعلان قیلگن ایدی.

اوشبو تحقیقات نتیجه سیده تورت عسکر طالبان بیلن علاقه ده ایکن لیگی معلوم قیلیندی.

شونینگ دیک مدافعه وزیرلیگی تامانیدن ترقه تیلگن بیاناتده هجوم باره سیده بیریلگن استخبارات معلومات لردن اوز وقتیده فایده له نیلمه گنی هم قیدایتیلگن. مدافعه وزیرلیگی گه کوره؛ شوباعث کتته وکیچیک لوازمده بولگن توقیز حربی وظیفه لریدن چیتلنتیریلیب قاره لاوچیلیک اداره سیگه ته نیشتیریلگن.

قریب 20 کون آلدین طالبان قوراللی لری کنر ولایتی نینگ غازی آباد تومنده گی امنیتی پوسته لردن بیریگه هجوم قیلدی اوشبو هجومده 21 افغان عسکری هلاک و اوچ عسکر هم تن جراحتی آلدی. طالبان پوسته ده گی 6 عسکرنی هم اوزلری بیلن آلیب کیتدی.

خیر الدین و میر آقا هجوم کیچه سی طالبان تمانیدن اسیر آلینگن ایدی اوتگن کون قوم باشلیغ لری واسطه چیلیگی بیلن آزاد ایتیلدی.

اولر طالبان نینگ قرارگاه گه قندی هجوم قیلگنینی مطبوعات فعاللریگه ایتیب بیرگن.

بو ایککی عسکر نینگ ایتیشلریچه" هجومگه توتیلگن قرارگاه ده گی تورت صفداشلری طالبان بیلن علاقه ده ایکن. اولرایسه قرارگاه ده قنچه عسکر بارلیگی وقندی قورال اسلحه موجودلیگی باره سیده طالبان گه معلومات بیرگن لر."

همده خیرالدین تورت عسکر نینگ طالبان بیلن علاقه قورگنلری و احتمالی هجوم باره سیده یوقاری مربته لی حربیلرگه معلومات بیرگن نی فاش ایتگن؛ اما اولر هیچ قندی اعتبار قره تمه گنلر.

اسیر الینگن عسکرلردن بیری میر آقا طالبان هجومی پیتی اولر اویقوده بولگنینی ایتیب شوباعث قسقه مدت طالبان بیلن اوروشگنینی تیلگه آلگن.

اونینگ ایتیشیچه، اولر بیلن طالبان قولیگه اسیر بولگن تورت عسکر طالبان بیلن علاقه ده بولیب طالبان اولرنی " غازی " دیب اته گن.