افغانستان پارلمانی قیش تعطیلاتی دن سونگ ایشگه باشله دی

Image copyright .

پارلمان نینگ آچیلیش مراسمیده افغانستان جمهور رئیسی سوزگه چیقیب افغانستان باش قانونی نینگ ماده لری اصلاحات واوزگرتیریش گه احتیاج بارلیگی نی تیل گه آلدی. اونگه کوره باش قانون نینگ 149ماده سیدن تشقری باشقه ماده لری اوزگریشی ممکن .

باش قانون نینگ 149 – ماده سیده افغانستان اسلامی بیر مملکت بولیشی قید ایتیلیب اوزگرمسلیگی معلوم قیلینگن. کرزی نینگ ایتیشیچه "همه اوچون مهم موضوع شو کی افغانستان اساسی قانونی نی ایریم اصلاحات واوزگریش آلیب کیلیشیگه احتیاجی بار، بوایش عملگه آشیشی بیلن افغانستان خلقی نینگ اساسی ایرکین لیگی تامین له نیب ومملکت سیاسی تیزیمی نینگ ایجابی توشیشی گه سبب بولسین"

همده کرزی جنابلری سیلاولرباره سیده توخته لیب نامزدلردن کوپچیلیگی نینگ حکومتده آدم لری بولگنی نی تیل گه آلیب، اما حکومت اره لشمسدن شفاف سیلاوبولیب اوتیشی نی تاکیدله دی. عین پیتده او بو جریان گه خارجی مملکت لر اره لشمسدن شفاف بولیب اوتیشی گه امید بیلدیردی.

بیر یریم آیی تعطیل دن سونگ افغانستان پارلمانی نینگ تورتینچی ییل و 16 – دور ایشی باشلندی. اولوسی جرگه تالاریده عین مناسبت بیلن اویوشتیریلگن یغینده جمهوررئیس کرزی کیله جک جمهوررییس لیک سیلاو نامزدلری هم اشتراک ایتگن ایدی.

جمهوررییس کرزی نینگ بیرینچی اورین باسری محمدقسیم فهیم عالم دن اوتگنی سبب پارلمان ایشی قریب بیرهفته کیچیکتیریلدی.

افغانستان جمهوررئیسی حامدکرزی سوزگه چیقیب اوتگن اون ایککی ییل جریانیده اقتصاد، تعلیم وتحصیل وایکینچیلیک ساحه رواجلنگنی نی معلوم قیلیب، وعیاللرحقوقلریگه هم اعتبار قره تیلگنی نی تیل گه آلدی.

شونینگ دیک او شو مدتده بو مملکت مطبوعات عرصه سیده هم کتته یوتوقلر قولگه کیرتگنی نی تاکیدله دی.

شونینگ دیک کرزی جنابلری تینچلیک عالی کینگشی آلیب بارگن سعی وحرکت لری اوستیده توخته لیب تینچلیک برقرارله نیشی نی مملکتده مهم مساله بولگنی اوچون امریکا بیلن امضالنه دیگن شرطنامه ده گی شرطلردن بیری هم تینچلیک برقرارله نیشی بولگنی نی تاکیدله دی، او تینچلیک جریانی گه تیارلیک کورستگن طالب لر اولدیریلگنینی هم ایتدی.

افغانستان جمهور رئیسی گه کوره تینچلیک برقرار ایمسلیگی دن اذیت چیکه یاتگن بیر افغانستان ایمس، بلکی پاکستان هم اذیتده بولگنینی بیلدیردی، عین پیتده کرزی جنابلری پاکستان دن دوست بولیشینی طلب قیلیب روس وبریتانیا استیلاسی گه اوتمه گن افغانستان قنده ی پاکستان گه قره م بولیشی ممکن دیدی.

عین پیتده افغانستان جمهور رئیسی کیلگوسی سیلاو باره سیده هم توخته لیب بو جریان گه خارجی مملکت لر اره لشمسدن شفاف بولیب اوتیشی گه امید بیلدیردی.

کرزی صحبتی دوامیده نامزدلردن کوپچیلیگی حکومتده آدم لری بولگنی تیل گه آلیب اما حکومت اره لشمسدن شفاف سیلاوبولیب اوتیشی نی تاکیدله دی.

عین پیتده کرزی، افغانستان امینتی کوچلری خارجی لرگه احتیاج بولیب قالمسدن جهازله نیلیشی نی ایتیب اما خارجی لر اوتگن نیچه ییلده افغان هوا کوچلری نی جهالشنی خواهله مه گن لرینی بیلدیردی.

ملی کینگش نینگ قیش تعطیلاتیدن کیین قیته آچیلیب ایشیگه باشلشیده سوزگه چیققن کرزی جنابلری صحبتی سونگی ده ملی کینگشگه کیلوسی ییل جلسه سیده دعوت ایتیلگن تقدیرده اشتراک ایتیشی ممکن لیگی نی ایتدی.

افغانستان اولوسی جرگه رئیسی عبدالروف ابراهیمی سوزگه چیقیب حاضرگی شرایطده افغانستان حساس بیر مرحله ده قرار تاپگنینی ایتیب بوحقده شوندی دیدی:" خوف سیزلیک مسوولیت لری افغان کوچلریگه تاپشریلیشی وکیله جک سیلاولر قندی بولیب اوتیشی اوته مهم، افغانستان خلقی سیلاولرنی شفاف و عادلانه بولیب اوتیشی گه امید وار."

عین حالده اولوسی جرگه رئیسی ایریم ملت وکیللریگه هجوم بولگنینی تیلگه آلیب ملت وکیللری خوف سیزلیگینی تامین لش اوچون دولت نینگ جدی اعتبار قره تیشی نی طلب قیلدی.