امریکا، چاپان وبریتانیا 286 میلیون دالر افغانستان گه یاردم بیره دی

اوشبو یاردم ییریک یوللروبرق توغانلرینی قوریش برنامه لریده صرف ایتیلیشی نظرده توتیلگن، افغانستان دولتی بو برنامه لر عملی بولیشی بیلن میلادی 2017 ییل آخریگه چه، افغانستان جمعیتی نینگ قریب یرمی برق بیلن تامین له نیشی گه ایشانچ بیلدیردی.

ایتیلیشچه حاضر افغانستان خلقی نینگ فقط 23 فایزی برق دن فایده له نیب کیلماقده لر.

افغانستان مالیه وزیری عمر زاخیل وال یاردم کیلیشوو بیتیمی امضاله نیشی اوچون اویوشتیریلگن مطبوعات انجمنیده بوندن بویان افغانستان حکومتی نینگ اعتباری کوپراق تمل برنامه لریگه قره تیلیشی ممکن لیگینی تیلگه آلدی.

اونینگ ایتیشیچه ترانزیت یوللری، شاه یوللر، تیمیر یولی نی قوریش اوچون بو یاردملر صرف ایتیلیشی نظرده توتیلگن.

شونینگ دیک زاخیل وال جنابلری پلخمری دن پایتخت کابل گه برق یتکیزیش برق ایکینچی لین لری کابل جنوبی ارغندی دن، قندهار، لوگر، پکتیا وخوست ولایت لری گه یتکیزیش پروژه لری هم اوشبو یاردم دن تامین له نیشی ممکن لیگینی ایتدی. همده بوندن تشقری بو یاردم لر طفیلی بیرنیچه سوو توغانلری هم قوریلیشی ریجه لنگن.

286 میلیون دالر یاردم دن 213 میلیونی بریتانیا دولتی تمانیدن بیریلیشی سوزبیریلگن، بریتانیا دولتی بوندن آلدین افغانستان نینگ یاردم صندوقی گه 56 میلیون دالر یاردم بیرگن ایدی. اوتمیشده امریکا 180 میلیون دالر یاردم قیلگن ینگی کیلیشوو اساسیده امریکا حصه سی 60 میلیون دالر دیر. اوتگن اوچ ییلده جاپان دولتی 110 میلیون دالر اوشبو صندوققه یاردم قیلدی، ینگی یاردم لردن 13 میلیون نی اوز ذمه سیگه آلگن.

افغانستان تمل برنامه لری اوچون یاردم صندوقی اوچ ییل آلدین ایجاد ایتیلدی. حاضرگه قدر 632 میلیون دالر یاردم صندوقی آرقه لی افغانستان گه یاردم بولگن. بو یاردملر آسیا ترقیات بانکی تمانیدن افغانستان دولتی اختیاری گه قوییلیب، اوشبو بانک تامانیدن نظارت ایتیله دی.