"حامدکرزی امریکا بیلن امنیتی پیماننی امضال قیلمیدی"

Image caption بریتانیا نینگ افغانستانده گی ایلچیسی ریچارد استگ افغانستان جمهوررییسی حامدکرزی امریکا بیلن امنیتی پیماننی امضالمسلیگی ممکن لیگینی ایتگن.

بریتانیا نینگ افغانستانده گی ایلچیسی ریچارد استگ افغانستان جمهوررییسی حامدکرزی امریکا بیلن امنیتی پیماننی امضالمسلیگی ممکن لیگینی ایتگن.

او بریتانیا نینگ پاکستانده گی ایلچیسی فلیپ بارتن بیلن قوشمه آلیب باریلگن ویدیو کنفرانسده افغانستان ، پاکستان و منطقه گه عاید مهم موضوع لر باره سیده صحبت بولگنینی خبرنگارلرگه ایتیب امنیتی پیمان افغانستان نینگ کیله جک جمهورریسی تمانیدن امضاله نیشیگه امید بیلدیرگن.

استگ جنابلری نینگ ایتیشیچه:" فکریمچه جمهوررییس کرزی ایککی تمانلمه امنیتی پیماننی امریکا بیلن امضاقیلمسلیگی ممکن. اوخصوصی بیر یغینده بونی مینگه ایتگن ایدی اچیق شکلده هم امنیتی پیمانگه امضا قوییش نیتی یوق لیگینی ایتدی."

بریتانیا ایلچیسی خارجی کوچلر فعالیتی اوچون میلادی 2014 ییل اداغیگه ییتمی امنیتی پیمان امضا لنیشیگه امید بیلدیردی.

هرچند افغانستان پارلمانی و اوتکزیلگن مصلحتی لویه جرگه اشتراک چیلری امنیتی پیمان امضالنیشی گه طرفدارلیک بیلدیردی لیکن جمهوررییس کرزی حاضرگه قدرهم بو پیمانگه امضا قوییمه گن.

کرزی جنابلری امریکا کوچلری نینگ کیچکی عملیات لری توخته تیلیب صلح اوچون امریکا قوشمه ایالت لری تمانیدن ایجابی حرکت لر کوتاریلمسه امنیتی پیمانگه امضا قوییمسلیگینی تاکیدلب کیلماقده.

بریتانیا نینگ افغانستان وپاکستان ده گی ایلچی لری ایککی مملکت اره سیده همکارلیک دوام تارتییشی تینچلیک اوچون اوته مهم بولگنینی تیلگه آلگن.

بریتانیا افغانستانده کوپ یاردم بیره دیگن مملکت لردن بیری. اوتگن کون بریتانیا ، امریکا و ژاپن میلادی 2017 ییلگه قدر 286 میلیون دالر افغانستان گه یاردم قیلشینی سوز بیردی.