افغانستان رسانه لری طالب لرگه تیگیشلی خبرلرنی نشرایتیشنی ایکی هفته گه قدر تحریم قیلدیلر

Image copyright AFP

نی تشکیلاتی گه کوره طالبان گروهی تمانیدن احمد سرداربیلن عایله اعضاسی اولدیریلگنی آرتیدن ایریم رسانه لر وکیللری ومدنی فعاللرتکلیفی بیلن بو تشکیلات بو گروه گه تیگیشلی خبرلرنی ایکی هفته گچه نشرایتیلیشی نی تحریم قیلگن .

ایکی کون آلدین سرینا هتلی گه قیلینگن هجومده 9عادی اهالی هلاک بولدی، بوهجوم مسوولیتی نی طالبان اوز بویینیگه آلدی.

افغانستانده گی ایرکین رسانه لرنینگ مدافعه ایتووچی یا نی ناملی تشکیلات مسوولی صدیق الله توحیدی اوتگن 12ییلده رسانه لر طالب لر و افغان امنیتی کوچلری نینگ فعالیتلری نی بیردیک یاریتگن لری نی ایتدی.

توحیدی جنابلری گه کوره اوتگن ییللرده افغانستانده گی رسانه لر بو گروه نی طالبان دیب تیل گه آلگن، حالبوکی بوکیشی لر پاکستانلیک رسانه لر تمانیدن قورقینچ تشلاوچی دیب ذکر ایتیله دی.

اونگه کوره طالب لراجمل نقشبندی نی قولگه آلیب کیین باشی نی تنیدن جدا قیلدیلروحاضر ایسه احمد سردار، خاتینی وایکی باله سی نی اولدیردیلر..

توحیدی جنابلری بو گروه مقابلیده دولت آلیب باره یاتگن سیاست لرینی هم تنقید آستیده آلدی.

او برچه رسانه لر مسووللریدن بو تحریم نی رعایه ایتیش لرینی طلب قیلدی. اگر رسانه لر ایگه لری خبرنگارلرنی بو گروه دن خبر تیارلشگه مجبور قیلگن تقدیرده اولربوگروه بیلن همکارلیکده بولیش معناسی نی افاده قیلیشی نی تیل گه آلدی.

توحیدی جنابلری رسانه لر وخبرنگارلردن طالبان گروهی نی دولت مخالف لری دیب تیل گه آلمی بلکه اولرنی ترورچیلردیب ایتیش لری نی سوره دی.

احمد سردار وعایله اعضاسی اولدیریلیشی ایسه کینگ تنقید لر بیلن بیرگه بولیب کیلماقده.