تینچ بولگن تومن لرگه سیلاو اسباب واوسکونه لری جونه تیله دی

افغانستانده گی سیلاونی حمایت ونظارت ایته دیگن ایکی تشکیلات سرینا هتلی گه عملگه آشگن هجومدن کیین اوز خادم لرینی افغانستان دن آلیب چیققن.

دموکراتیک ملی انیستیوتی گه کوره اوز ناظرلرینی افغانستاندن آلیب چیققن، حالبوکی اروپالیک یوقاری مرتبه لی دیپلومات لردن بیری بریتانیالیک گاردین کونده لیگیده اوز خادم لرینی افغانستاندن تورکیه گه آلیب چیققنی نی ایتگن.

اما افغانستان سیلاولر مستقل کمیسیونی خارجی ناظرلر نظارت ایتیشی نی مهم دیب بوایکی تشکیلات اوز خادم لرینی مملکت دن آلیب کیتگنی دن بی خبرلیگی نی اظهار ایتگن.

16 حملده بولیب اوتیشی کوتیله یاتگن افغانستان جمهور رئیس لیک سیلاوی نی نظارت ایتیش، اروپا اتفاقی نینگ اساسی ماموریتی حسابلنه دی.

اوتگن 5شنبه کونی قتیق خوف سیزلیگی تامین لنگن سرینا هوتلی طالبان هجومی گه توتیلدی، بو هتلده سیلاو ناظرلریدن کوپ چیلیگی توره یاتگنی ایتیله دی.

بوحادثه دن نیچه کون اوتمه سی خارجی ناظرلر مملکت اوز خادم لرینی آلیب چیققنی باره سیده خبرلرچیقماقده.

بریتانیا ده نشر ایتیله یاتگن گاردین کونده لیگی ده اروپا امنیت وهمکارلیک تشکیلاتی و دموکراتیک ملی انستیوتی ناملی افغانستان سیلاوی نی کوزه ته دیگن ایکی تشکیلات اوز خادم لرینی مملکتدن آلیب چیققنی باره سیده نشر ایتیلگن.

شونینگ دیک بو کونده لیکده اروپالیک یوقاری مرتبه لی بیر دیپلمات هم گاردین کونده لیگیده اروپا امنیت وهمکارلیک تشکیلاتی اوز خادم لرینی افغانستان دن تورکیه گه انتقال بیرگنی نی معلوم قیلگن.

وملی دموکراتیک انیسیتوتی اوز خادم لریدن بیر قسمی نی آلیب چیققنی نی معلوم قیلینگن وبو تشکیلات سیلاو مساله سیگه اوز ماموریت لری نی کوریب چیقیش لری هم ایتیلگن.

حاضرگه قدر بو تشکیلات قنچه خادمینی آلیب چیققنی باره سیده معلومات بیریلمه گن.

سیلاولر مستقل کمیسیونی نینگ کمیشنرلریدن صریراحمد برمک خارجی ناظرلرسیلاو نی نظارت ایتیش لرینی مهم دیب اما بوایکی تشکیلات لراوزخادم لرینی مملکت دن چیقرگنی باره سیده معلوماتگه ایگه ایمس لرینی معلوم قیله دی."انیق معلوماتیمیز یوق، چیقماقچی بولسه لر آلدلرینی هم آله آلمه یمیز، اولر خواه لسه لر اوز خادم لرینی مملکتدن باشقه جای گه آلیب کیته آله دیلر، اولرگه توسیق یره ته آلمه یمیز، بو اوچون کی خوف سیزلیک معماسی بار، عمومن آلگنده بیزلرنی ایسته گی میزشوکی اولرنی حضورلری سیلاو ده نظارت ایتیش اوچون شرط" دییدی برمک جنابلری

عین حالده صریر جنابلری خارجی ناظرلر بولمسلیگی سیلاونتیجه سیگه اونچه لیک تاثیرقویمسلیگی نی هم تیل گه آله دی.

اونگه کوره نامزدلرنینگ ناظرلری، سیلاو عدالت سیز وشفاف بولمسلیگی گه یول قویمه یدیلر.

اما شونگه قره مسدن قطار تشکیلات و بیر قطار نامزدلر سیلاو سلامتلیگی باره سیده تشویش بیلدیریب کیلماقده لر.

عین حالده افغانستان سیلاولر مستقل کمیسیونی گه کوره ایرته دن مملکت بویلب تینچ بولگن تومن لرگه سیلاو اسباب واوسکونه لری نی جونه تیشی نی باشله نیشی ممکن.

سیلاولرمستقل کمیسیونی نینگ دارالانشا رئیسی کابلده یولگه قوییلگن خبری انجمنده ناتینچ لیک لر سبب ناظرلر باره آلمه گن محللرده سیلاو اوتکزیلمسلیگی نی معلوم قیلدی.

سیلاولر مستقل کمیسیونی کمیشنرلریدن ضیاوالحق عمر خیل گه کوره سیلاو یولگه قوییلمه یدیگن منطقه لراسمی تیزلیکده اعلان ایتیله دی.