شبرغانده گی نفت کارخانه لریدن بیری قیته تیکلنه دی

Image caption ، بوپروژه نینگ باشله نیشی بیلن 300 گه یقین انجنیروایشچیلرگه ایش زمینه سی یره تیله دی.

شبرغان شهری نینگ جرقدوق ساحه سیده جایلشگن ارزشی بیر بوتون اوندن اوچ میلیارد دالرگه بولگن نفت تازه لش فابریکه قیته تیکلنماقده.

بوفابریکه چین ممللکتی نینگ سی ام پی ای ناملی شرکتی تمانیدن شرطنامه امضالنگن بولیب، بوندن کیین ییلیگه اوچ میلیارد امریکه دالری دولت گه درآمد کیریتیله دی. همده بونینگ ایشی جاری ییل نینگ می آییده باشله نیشی ممکن.

احمدعاطف پوپل وطن گروپ شرکتی ریسی نینگ شبرغانده اوتکزیلگن بیر مطبوعاتی کنفرانس ده ایتیشیچه، بو پروژه لایحه سی بیر ییلنی اوزایچیگه آلیشی ممکن.

اونگه کوره، بوپروژه نینگ باشله نیشی بیلن 300 گه یقین انجنیروایشچیلرگه ایش زمینه سی یره تیله دی. بوفابریکه 24 ساعتده 60 مینگ بیرل نفت نی چیقاریشگه قادر.

موصوف نینگ ایتیشیچه، بوپروژه نینگ 60 فایزی دولت عایدی گه کیریتیله دی و40 فایزی ایسه چین شرکتی گه تیگیشلی:"خدا خواهلسه فابریگه کونیگه 60 مینگ بیرل نی نفت نی زمانوی شلکده ایشلب چیقه ره دی. بوپروژه بیر بوتون اوندن اوچ میلیارد امریکا دالری بیلن سرمایه یاتقزیلگن. ییلیگه ایکی دن بیش میلیون تون نی چیقاریشگه قادر. بونینگ فایده سی افغانستان دولتی گه بودیرکه، هرییلی کمیده اوچدن تا اوچ یریم میلیارد دالرافغانستان خلقی اوچون خارج گه کیتسمدن مملکتده قالدیره دی".

بوندن باشقه، بوفابریکه آلدیده 50 میگاوات حرارتی برق دستگاه سی هم فعال بولیشینی ایتدی، بیرینچیدن فابریکه ضرورتینی تامینلب، کیینچه لیک شبرغان شهریگه برق یوباریلیشینی تاکیدله دی.

جوزجان ولایتی نینگ باشلیغی حاجی مراد قوینلی، شبرغان اهالیسی اوچون بوپروژه نینگ ایجاد بولیشینی هرتمانلمه قیین چیلیکلری اوچون قنچه لیک اهمیتلی ایکن لیگینی اظهارایتیشگن. اونگه کوره، بوپروژه نینگ خام ماده لری فاریاب ولایتی نینگ قشقرساحه لریدن تامین ایتیلیب، شمال اهالیسی اوچون نفت موادینی تامین لشده احتیاج بار.