دنیا بانکی مرکزی آسیادن جنوبی آسیاگه برق قوتی ییتکزیب بیریش اوچون 500میلیون دالریاردم بیره دی

Image copyright Reuters

دنیا بانکی اعلان قیلیشیچه مرکزی آسیادن اورته شرق وجنوبی آسیا برق تامیناتی نی قوریش اوچون 526میلیون دالر یاردم بیره دی بو بانک جمعه کونی بیر بیانات ترقه تیب بو مبلغ افغانستان، قرقیزستان، پاکستان، وتاجیکستان مملکت لری اختیاریگه قوییلیشی نی معلوم قیلگن.

آلیب اوتیله دیگن بو برق لایحه سی خرجتی 1.17میلیارد دالربولیب امریکا خلق ارا ترقیات اداره سی و اسلامی ترقیات بانکی تمانیدن تولنه دی.

بولایحه عملگه آشیشی بیلن قیرقیزستان وتاجیکستان نینگ 1300میگاواتلی برق تامیناتی افغانستان آرقه لی پاکستانگه اوتکزیلیشی ممکن.

بو بیاناتده کیلیشیچه تاجیکستان نینگ یاز فصلیده برقی اوز احتیاجی آشه دی، صرفلنمه یدی، حالبوکی جنوبی آسیاده 400میلیون گه یقین کیشی دایمی برق قوتیدن محروم.

افغانستان شمالیده جایلشگن شیرخان بندردن اوته دیگن برق پلخمری دن سالنگ و کابل ونهایتده پاکستانگه ییتکزیلیشی کوتیله دی.

قاضی زاده گه کوره بولایحه نینگ آلیب اوته دیگن باشقه یولی هم بغلان ولایتی نینگ اندراب تومنی بولیب اوییردن پنجشیروینگی کابل کیین جلال آباد وپاکستانگه آلیب باریله دی.

بوندن آلدین افغانستان سوو وبرق وزیرلیگی نینگ اورین باسری غلافاروق قاضی زاده تمانیدن قیرقیزستان، تاجیکستان، افغانستان وپاکستان مملکت لری آره سیده گی کیلیشوو اساسیده پاکستانگه برق ییتکزیب بیریلیشی ممکن لیگی معلوم قلینگن ایدی.

قاضی زاده گه کوره بو لایحه مسافه سی 1270کیلومتر بولیشی ممکن، بوندن 563 کیلومتری افغانستان توپراغیدن اوتیشی ممکن.

افغانستان ییلیده بومملکت آلیب اوتیله دیگن برق قوتیدن 80میلیون دالر منفعت قولگه کیلتیره دی.

افغانستان دولتی آلیب اوتیله دیگن برق لینی اطرافیده 70میلیون دالرگه تینگ نیچه اقتصادی لایحه نی عملی قیلیشنی نظرده توتگن.

امریکا ایلچی خانه سی هم توییتر صحیفه سیده بو لایحه عملی ایشی باشله نیشی نی خوش قرشیلب بو لایحه عملی بولیشی اوچون 15 میلیون دالر یاردم بیرگنی نی ایتگن.