کابل غربیده انتحارچی هجومچی لرخارجی بیر مرکزگه هجوم قیلدیلر.

Image copyright S.Faizi

اوشبوهجومده 5خودکش حصه قوشیب امنیتی کوچلربیلن هجومچی لر آره سیده محلی وقت بیلن کیچه ساعت 8گچه اوروش دوام ایتگن.

افغانستان ایچکی ایشلر وزیرلیگی گه کوره هجوم چیلردن بیری بیرینچی دن اوزینی بوبنا ایشیگیده پارتلتگن.

بو وزیرلیککه کوره اوچته سی اوروش جریانیده اوزینی پارتلتگن وبیشینچی سی هم خوف سیزلیک کوچلری تمانیدن هلاک ایتیلگن.

افغانستان ایچکی ایشلر وزیرلیگی نینگ سوزچیسی صدیق صدیقی بیرینچی پارتلشده محلده بولگن 16یاشگه کیرگن قیز باله هلاک ایتیلگنی نی ایتدی.

بو حادثه ده بوبنا نینگ 4قوریقچیسی هم یره لنگن واوروش یکونیگه قدر بنا ایچکریسیده قمه لیب قالگن تورت خارج وطنداشی هم قوتقیریلگن.

آلدین صدیقی جنابلری امنیتی کوچلر 20کیشی خارج وطنداشی نی واقعه محلیدن قوتقریب خوف سیز محلگه ییتکزگن لرینی ایتگن ایدی.

بو حادثه جمعه کونی توشدن کیین 3:30ده روی بیرگن.

هجوم مقصد قیلینگن محل "صلح ایلدیزلری" دیب ناملنگن ناحکومت تشکیلات لردن بیری بولگن.

کابل پلیسی گه کوره خودکش هجومچی لردن بیری بیرینچی دن اوزینی بو اداره بناسی ایشیگیده پارتله تیب وکیین تورت هجومچی بنا ایچکرسی گه کیریب اوق آته باشله گن لر.

بو تشکیلات تینچلیک ایلدیزی ناملی افغان عیاللریگه ایکینچی لیک ساحه سی اینیقسه میوه ایشلب چیقریش اوچون یاردم بیریب کیلگن.

بو تشکیلات هجوم باشلنگنیدن کیین بی بی سی گه خط جونه تیب اولرگه تیگیشلی اداره طالب لرتمانیدن هجوم آستی ده بولگنی نی ایتگن.

بو تشکیلات اساسچی سی هاید کوهن کالفرنیا دن توریب اداره سیگه بولگن هجومنی کوزه تیب تیز آره ده بیانات ترقه تیشینی معلوم قیلگن.

اوتگن اوچ کونده کابل غربیده بوبیلن ایکینچی پارتلش یوزبیرماقده

بو محل یقنیده اوزبیکستان ایلچی خانه سی، پلیس اوچینچی حوزه سی، جمهور رئیسلیک مصلحت چی لری مهمانخانه سی وایریم تشکیلات لروخارجی لرمهمانخانه سی جایلشگن.

طالب لربو هجوم بوگروه تمانیدن عملگه آشیریلگنی نی ادعا قیلگن لر. طالبلر بیاناتیده خودکش هجومچی کابل غربی ده خارجی لرمرکزی نی هجوم گه توتگنی نشرایتیلگن.

اوتگن اوچ کونده پایتخت کابلده بوبیلن ایکینچی پارتلش یوزبیرماقده .

اوچ کون آلدین کابل نینگ دارالامان منطقه سیده عملگه آشیریلگن خودکش هجومده ایکی پلیس هلاک وباشقه ایکی کیشی هم یره لنگن ایدی.

افغانستان نینگ ایریم ولایت لری اینیقسه پایتخت کابلده خوف سیزلیک وضعیتی بولیب اوتیشی کوتیله یاتگن جمهور رئیس لیک و ولایت کینگش سیلاولری گه آز مدت قالیشی بیلن یمانلشماقده.