افغانستان جنوبیده خارجی کوچلر گه قرشی خودکش هجوم

Image copyright AP

افغانستان جنوبیده جایلشگن زابل ولایتی نینگ رسمی لری بو ولایت نینگ شهرصفا تومنیده خارجی کوچلرگه قرشی خودکش هجوم عملگه آشگنیدن خبربیرگن لر.

شهر صفا تومنی نینگ حاکمی عبدالخاق ایوبی بی بی سی بیلن بولگن صحبتیده بوهجوم ایرته لب ساعت اون ده خارجی کوچلرکاروانی برابریده یوزبیرگن بیرگنی نی ایتدی.

اونگه کوره بو هجومده رومانیا عسکرلریدن بیری هلاک ایتیلیب و7کیشی بوجمله دن 3رومانیا عسکری و4عادی اهالی هم تن جراحتی آلگن.

ایوبی جنابلری نینگ معلوم قیلیشیچه هجومچی پارتلاوچی ماده گه توله بولگن نقلیه واسطه سی نی خارجی لر کاروانی گه ایلتیب اورگن.

حاضرگه قدر هیچ بیر گروه یا شخص بو حادثه مسوولیتی نی اوز ذمه سیگه آلمه گن.

قوشنی پاکستان بیلن چیگره داش بولگن افغانستان جنوبیده جایلشگن زابل ولایتی مملکت نینگ ناتینچ ولایت لریدن حسابلنه دی.

افغانستان جمهوررئیسلیک سیلاوی بولیب اوتیشیگه آزمدت قالگن یاتگن بیرپیتده بو مملکت نینگ ایریم حدودلریده ناتینچلیک لرآشیب بارماقده.

اما ایچکی ایشلر وزیرلیگی وباشقه امنیتی اداره لر سیلاو مرکزلرینی امنیتی نی تامین لش اوچون کیره ک لیگی تیارگرلیک کورگن لری باره سیده سوزبیریب کیلماقده.