سیلاو عرفه سیده سرپل ولایتیده کی عملیاتده تورت نفر هلاک بولگن

Image copyright
Image caption یاتگن بوحربی عملیاتده ملی اردو، ملی پلیس وملی خوف سیزلیک کوچلری حصه قوشگن.

بوگون ایرته لب سرپل ولایتی نینگ صیاد تومنیده دولت کوچلری تمانیدن حربی عملیات یولگه قوییلگن. بوعملیات نی یولگه قوییشدن مقصد قوراللرنی یوق ایتیب سیلاوگه اهالی اشتراک ایتیش اوچون امنیت نی تامین لب بیریش بولگن.

سرپل ولایتی نینگ پلیس امنیت آمری سخیداد حیدری نینگ معلوم قیلیشیچه بوعملیات جریانیده تورت قوراللی هلاک بولگن.

دوام ایته یاتگن بوحربی عملیاتده ملی اردو، ملی پلیس وملی خوف سیزلیک کوچلری حصه قوشگن.

بو ولایت نینگ پلیس رسمی لریگه کوره بو تومنده طالبان بیلن پلیس آره سیده هلی هم اوروش دوام ایتماقده.

عین حالده بیر کون آلدین بو ولایت نینگ گوسفندی تومنیدن جمهور رئیس نامزدلریدن اشرف غنی احمد زی نینگ ولایت بوییچه کمپاین تیمی سرپل مرکزیگه کیله یاتگن بیرپیتده قوراللی لر هجومیگه دوچ کیلگن.

بو ولایت پلیسی گه کوره بو هجومده قوراللی لر بیر کیشی نی هم اوزلری بیلن آلیب کیتگن. ومذکور نا مزدلرگه تیگیشلی بیر نقلیه واسطه هم طالبان اوقی تیگیب یانیب کیتگن. رسمی لرنینگ معلوماتی گه کوره بو حادثه ده هیچ بیر کیشی گه جانی ضرر ییتمه گن.

باشقه تماندن فاریاب ولایتی نینگ خان چارباغ بیلن جوزجان ولایتی آره سیده جایلشگن شاه یولده قوراللی لر یولگه چیقیب یوک تشووچی نقلیه واسطه لر نینگ توخته تیب ایکی هیداوچی نی بیرگه لریگه آلیب کیتگن لری ایتیله دی.

خان چارباغ تومنی نینگ پلیس قوماندانی محمد غنی بو حادثه نی تصدیقلب بولرنی طالب لر آلیب کیتگن دیب ایتگن. شونینگ دیک او طالبان تمانیدن آدم لر آلیب کیتیلیشی پول آلیش مقصدیده پلانلشتیریله یاتگنی نی ایتدی.

سیلاولر بولیب اوتیشیگه سناقلی کونلر قالیشی بیلن مملکت بویلب خوف سیزلیک وضعیتی یمانله شیب بارماقده.