750 مرکزده سیلاو یولگه قوییلمیدی

Image caption افغانستان سیلاو لر مستقل کمیسیونی مملکت بویلب 6775مرکزده سیلاو بولیب اوتیشینی معلوم قیلیب اما امنیتی معما سبب 748مرکزده سیلاو یولگه قوییلمسلیگی دن خبر بیرگن.

افغانستان سیلاو لر مستقل کمیسیونی مملکت بویلب 6775مرکزده سیلاو بولیب اوتیشینی معلوم قیلیب اما امنیتی معما سبب 748مرکزده سیلاو یولگه قوییلمسلیگی دن خبر بیرگن. بوکمیسیون بو قرارنی امنیتی کوچلر اوتکزگن تیکشیروویدن کیین آلگن. بوندن آلدین بو کمیسیون 396مرکزامنیتی تهدیدلر سبب سیلاوبولیب اوتمسلیگی باره سیده معلومات بیرگن ایدی. بوندن آلدین افغانستان سیلاولر مستقل کمیسیونی تمانیدن 396مرکز ده خوف سیزلیک معماسی سبب سیلاو بولمسلیگی معلوم قیلینگن ایدی، بوگون بو کمیسیون اوتکزگن مطبوعات انجمنیده امنیتی کوچلر کیینگی تیکشیریش لری اساسیده ینه 352مرکزده سیلاو یولگه قوییلمسلیگی نی خبربیردی. بو کمیسیون نینگ دارالانشا باشلیغی ضیاوالحق امر خیل مملکت بویلب 6775 مرکزده سیلاو بولیب اوتیشی نی ایتدی. "یقینده سیلاولر مستقل کمیسیونی اینیقسه امنیتی اداره لرتمانیدن سیلاو مرکزلری امنیتی قنده ی لیگی ینه بیربار تیکشیریلیب . کمیسیونگه معلومات بیریلدی، بو معلومات بیزاوچون قانیقرلی بولگن، بو تیکشیریش لرسبب قلابگرلیک لرنی آلدی آلینیب شفاف سیلاو بولیب اوتیشیگه زمینه یره ته دی" شونینگ دیک عمرخیل جنابلری گه کوره امنیتی کوچلر 352مرکزنینگ فقط امنیتی نی تامین له نیشی باره سیده گپیرگن لر، اما یولده ماین اورنه تیلیشی اهالی و ناظرلر محلگه باره آلمسلیک لری اوچون سیلاویولگه قوییلمسلیگی باره سیده قرارآلیندی. عین پیتده سیلاولر خوف سیزلیگی نی تامین لش مسوولی جنرال احساس سیلاو ده کیره کلیگی چاره کوریلگنی باره سیده ایشانچ بیردی. شونینگ دیک او خوف سیزلیک معما سی سبب مملکت بویلب 10 فایز آواز بیریش مرکزلرآچیلمسلیگی نی ایتدی. "مملکت بویلب 90 فایز آواز بیریش مرکزی گه اهالی اشتراک ایته آله دی، امنیتی کوچلرسیلاودن آلدین سیلاودن کیین وسیلاوکونی اوچون کیره ک لی چاره وتیارگرلیک کورگن لر" دییدی جنرال احساس افغانستان سیلاولرمستقل کمیسیونی بومرکزلرقیسی ولایت لرگه جایلشگنی باره سیده معلومات بیرمی، مملکت نینگ تورلی حدودلریده جایلشگنینی ایتدی. شونینگ دیک افغانستان سیلاولر مستقل کمیسیونی نینگ معلوم قیلیشیچه سیلاوگه عاید برچه اوسکونه اسباب لرولایت لرگه جونه تیلگن وایشگه آلینگن خادم لرگه تعلیم هم بیریلگن. بوکمیسیون کیلگوسی سیلاوده بو کمیسیون تمانیدن 13میلیون کیشی آوازبیریشی اوچون تیارگرلیک کوریلگنی نی معلوم قیلدی. سیلاومستقل کمیسیونی مسووللریگه کوره حاضرگه قدر سیلاونی نظارت ایتیش اوچون قریب 200یوزمینگ کیشی نظارت ایتیش چیپته سی نی آلگن. نظارت چیپته سی نی آلگن لردن 300یوزی کیشی سی خارجی ناظرلر بولگن. باشقه تاماندن بوگون سرپل ولایتی ده طالب لر بیلن پلیس آره سیده ایکی ایری اوروشده 12 قورالی هلاک بولیب بیر پلیس اولیب وبیرپلیس هم یره لنگن. سرپل رسمی لری اوروش هلی هم دوام ایته یاتگنی نی ایتیب حربی عملیات نی اوتکزیشدن مقصد سیلاو امنیتی نی تامین لش اوچون دیب تاکیدله ماقده لر. باشقه تماندن سیلاوترغیبات کمپاین مدتی گه 3کون قالگن، جمهور رئیس نامزدلری تورلی ولایت لرده اوز کمپاین لری نی یولگه قوییب قیزیق بیر شکلده دوام ایتدیرماقده لر. بوگون اشرف غنی احمد زی وزلمی رسول لر هرات ولایتی گه ، عبدالرب رسول سیاف کاپیساگه و عبدالله عبدالله هم قندهارگه سفرقیلیب اوز طرفدارلری گه برنامه لرینی بیان ایتگن، شونینگ دیک قطب الدین هلال هم کابلده ییغین یولگه قوییب اوز برنامه لری نی طرفدارلریگه اعلان ایتدی. جمهور رئیسلیک و ولایت کینگش سیلاولرلری کیلگوسی شنبه کونی 16حمل ده بولیب اوتیشی کوتیله دی.