واخان منطقه سي ايكينچي ملي پارك اسميني اوزيگه آلدي

Image copyright photo.Shafiq
Image caption واخان بدخشان

افغانستان زراعت وزيرليگي و اطراف محيط ني سقلش اداره سي بدخشان ولايتي نينگ واخان تومني ني بو مملكت نينگ ايككينچي ملي پاركي صفتيده تنيشتيرگن.

مسووللري بو تدبيردن مقصد، افغانستان نينگ طبيعي و مدني ميراثلريني داييمي سقلش و مملكت اقتصادي ني رواجلنتيريش دن عبارت ايكني ني ايتيشگن.

افغانستان اطراف محيط ني حمايه لش ملي اداره سي و زراعت وزيرليگي بدخشان ولايتي نينگ واخان منطقه سي ني اساسي قانون نينگ 37، 38، 39 و 40 انچي ماده سي گه مطابق ايكينچي ملي پارك صفتيده رسمآ تنيشتيردي.

اطراف محيط ني حمايه لش ملي اداره سي رييسي مصطفي ظاهر، مذكور منطقه ده كته مقدارده ايكينچيليك موجود بولمه گنيگه قره مه ي، اوييرده ايكي تور بوغداي ايكيله دي دييدي:"او منطقه نينگ ييردن بلندليگي سبب، ايكينچيليك مقداري آز. اما واخان ده تورلي خيل بونداي لر ايكيلگني گه گواه ايديك".

بوندن آلدين 1388 ييلده باميان ولايتي ده گي بند امير منطقه سي افغانستان نينگ بيرينچي ملي پاركي صفتيده قيد ايتيلگندي.

زراعت و چارواچيليك وزيري محمد آصف رحيمي نينگ ايتيشيچه، واخان منطقه سي اهاليسي آو قيليش ني توخته تيشلريني ايتگن.

1384 ييلدن بويان مذكور محل اهاليسي ياوايي حيواناتلرني آو قيليشلريني توخته تيشلريني وعده قيليب كيلگن:"آو قيليش حاللري بوتونله ي توخته گن ديه آلمه ي من، اما ميزاني 90 ، 95 فايز گه كمه يگن بوليشي ممكن".

زراعت وزيري شونينگ ديك، واخان منطقه سيده حيوانات و پرنده لر ني آو قيليش جرياني يوز فايز توخته تيلمه گن، اما اكثر اهالي آو قيليش دن قول تارتيشگن دييدي.

افغانستان اخبارات و مدنيت وزيرليگي معاوني غلام نبي فراهي، بونده ي پاركلرنينگ ايجاد ايتيليشي، افغانستان اقتصادي رواجلنيشيگه كته رول اوينه شي ممكنليگي باره سيده تاكيدله دي:"افغانستان شونده ي ساحه لرگه اعتبار قره تسه، دولت و اهالي نينگ قطار معمالري برطرف ايتيله دي. افغانستان بير سياحتليك مملكت. بو ييرده سياحلراوچون برچه امكانيت يره تيلگن".

واخان منطقه سي نينگ اكثر ساحه لريني پامير تاغلري و هندوكش قيرغاغلري قمره ب آلگن. شونده ي منظره بو تاريخي منطقه نينگ چيرايي ن