سیلاوکمپاین لری بوکیچه ساعت 12ده یکون تاپه دی

Image copyright iec

افغانستان سیلاولرمستقل کمیسیونی ولایت کینگش وجمهور رئیسلیک سیلاولری کوزلنگن مدتده بولیب اوتیشیگه تیارایکن لیگی دن خبربیردی.

بو کمیسیون افغان لردن سیلاوده اشتراک ایتیب اوز ایسته گن کیشی لرگه آواز بیریش لرینی طلب قیلدی.

بوکیچه ساعت 12ده سیلاوآلدی کمپاین لرنی یولگه قوییش اوز یکونیگه ییته دی.

عین پیتده بیرلشگن ملت لرتشکیلاتی نینگ افغانستانده گی وکالت خانه سی بوگل خارجی لر افغانستان سیلاوی گه اره لشمسلیگی نی معلوم قیلیب وبوتشکیلات هم بو سیلاونی نظارت قیلمسلیگی نی بیلدیرگن.

بو کمیسیون گه کوره برچه سیلاو اوسکونه واسباب لرینی ولایت لر و تومنلرگه جونتگن.

معلومات لرگه کوره سونگی نیچه آیده قریب تورت میلیون کیشی آواز بیریش اوچون چیپته آلیشگن بوبیلن مملکتده آوازبیروچی لرسانی ییگرمه میلیون دن آرتیق بوله دی.

بو کمیسیون نینگ معلوم قیلیشیچه سیلاونی نظارت ایتیش اوچون 265000کیشی نظارت چیپته سی نی آلگن.

بو کمیسیون جمهور رئیسلیک سیلاوی بیرینچی گل ده یکون تاپیشیگه امید قیلماقده. اما اگرایکینچی دورده قالگن تقدیرده کیره کلی تیارگرلیک کورگنی نی بیلدیره دی.

افغانستان سیلاولر مستقل کمیسیون باشلیغی یوسف نورستانی تهدید آستیده بولگن جای لرده قلابگرلیک یوزبیریش تشویشی سبب سیلاو یولگه قوییلمسلیگی نی ایتدی.

"اوتمیشده بعضی منطقه لرناتینچ ایدی، هیچ کیم باره آلمسدی، شو سبب آوازبیریش صندوق لری تولدیره یلگن ایدی، کوندوز آواز بیریلمه دی، کیچقرون بولدی ویا ایرته سی صندوقلر تولدیریلیب کیلدی بیز بونده ی محللرگه سیلاو اوتکزمه یمیز". دییدی افغانستان سیلاولر مستقل کمیسیونی باشلیغی نورستانی جنابلری

عین حالده بوگون کابلده افغانستانده گی بیرلشگن ملت لرتشکیلاتی نینگ مخصوص وکیلی یان کوبیش جنابلری افغانستانده گی خوف سیزلیک معماسیگه قره مسدن سیلاو یولگه قوییلیشی ممکن لیگی نی ایتدی. اوسیلاوافغانلر تمانیدن باشقریلگنی اوچون اهالی کینگ قتنه شیشلری گه امید بیلدیردی. "بو سیلاونی افغان لر ایگه لیک قیله دی، وافغان لرتمانیدن باشقریله دی، اهالی سیلاو تیارگرلیک لری گه قیزیقیش کورستگن لروشونینگ دیک بو سیلاوآرتده قیتمسلیگی اوچون اهالی آره سیده ایشانچ درجه سی یوقاری، افغانستان نینگ کیلگوسی رهبری اعتبارگه ایگه بولیشی اوچون بومملکت آلغه سیلجیب و دموکراسی قاعده لری کوچله یتیریلیشی لازم" دییدی بیرلشگن ملت لر تشکیلاتی نینگ افغانستانده گی وکیلی

بوگون افغانستان جمهوررئیس لیک و ولایت کینگش سیلاو کمپانلری اوچون سونگی کون حسابلنه دی.

سیلاوآلدی ترغیبات کمپاینی بوکیچه ساعت 12ده یکون تاپه دی، سیلاوگه قالگن 48ساعتده سکوت مدتی سکوت سقلنه دی. بوکمیسیون اوتکزگن مطبوعات انجمنی ده رسانه لربواصلگه جدی اعتبار بیریش لرینی طلب قیلدی.

بوگونگی کمپاین لرکوپراق کابلده بولیب اوتدی.

عبدالله عبدالله، اشرف غنی احمد زی، گل آقا شیرزی، عبدالرب رسول سیاف وداود سلطان زوی لر مینگلب طرفدارلری آره سیده چیقیش قیلیب سونگی برنامه لرینی اعلان ایتدیلر.

سوز یوریتگن نامزدلر مملکتده عدالت تامین له نیشی، تینچ لیک اورنه تیلیشی، اهالی مصلحتی بیلن ایش قیلیش ومجاهدلرموقعی گه بها بیریش موضوع لرگه اعتبار بیریش لرینی تاکیدله دیلر.