افغانستان جمهور رئیس نامزدلری دن ایکی ته سی جریمه قیلیندی

افغانستان سیلاو شکایت لرینی تیکشیرووچی مستقل کمیسیون جمهور رئیس نامزدلریدن 2 ته سینی سیلاوقانون لرینی رعایه ایتمه گنی اوچون جریمه بیلن جزا لنتیردی.

زلمی رسول 200یوزمینگ افغانی و محمد شفیق گل آقا شیرزی هم 100یوزمینگ افغانی بو کمیسیون تمانیدن جریمه قیلیندی.

ینگیدن بو کمیسیونگه اونته شکایت رویخط دن اوتیب بو کمیسیون مسووللری کوپراق تیکشیرگندن کیین حکم چیقریش لرینی معلوم قیلدیلر.

جمهور رئیس نامزدلریدن زلمی رسول اوز سیلاو کمپاین لریده دولت امکانیت لریدن فایده لنگنی اوچون ایکی یوزمینگ ومحمد شفیق گل آقا شیرزی هم جمهور رئیس نامزدلریدن بیرینی حقارت قیلگنی اوچون یوزمینگ افغانی بوکمیسون جریمه تولشلری باره سیده حکم چیقردی.

افغانستان سیلاو شکایت لرینی تیکشیرووچی کمیسیون گه کیلگن 10ته شکایت دن 3ته سی دولت امکانیت لریدن فایده له نیش حالتی بولیب بو ایسه زلمی رسول کمپاین تیمی آرقه لی عملگه آشگن.

کابلده بوگون بوکمیسیون مسووللری نامزدلر وکیللری وخبرنگارلرگه بوخصوصده بولگن حجت لرنی کورسه تیب پکتیا ولایتی حاکمی جمعه خان همدرد سوزچیسی بو ولایتده زلمی رسول کمپاینی گه اشتراک ایتیب رسول جنابلریگه اهالی آوازبیریشی نی طلب قیلگن.

بو کمیسیون گه کوره پکتیا حاکمی بو ولایتده زلمی رسول نینگ کمپاین کونی مکتب لرنی تعطیل قیلیب زلمی رسول کمپاینی گه باریشگه مجبورله گن.

سیلاو شکایت لرینی تیکشیریش کمیسیونی باشلیغی ستار سعادت گه کوره شونینگ اوچون رسول جنابلری 200یوزمینگ افغانی نقدی جریمه بولدی." زلمی رسول قندهار قضیه سیده قانونگه بنا 100یوزمینگ افغانی، پکتیا ولایتی قضیه سیده هم قانون بویروغی اساسیده یوزمینگ افغانی جریمه بولدی ایکی سی توپلم 2قضیه ده 200یوزمینگ افغانی جریمه تولش گه حکم ایتیلدی."

شونینگ دیک سعادت جنابلری پکتیا حاکمی و اونینگ سوزچیسی وقندهار پلیس قوماندانی نینگ دوسیه لرینی اوز وظیفه لریدن بر طرف ایتیش اوچون تیگیشلی اداره لرقرار آلیش اوچون جونه تیش لری ممکن.

شونینگ دیک جمهور رئیس نامزدلریدن محمد شفیق گل آقا شیرزی جمهور رئیس نامزدلریدن بیریگه حقارت لی سوزلرنی تیل گه آلگنی اوچون 100یوزمینگ افغانی جریمه قیلینگن.

"کوزلنگن قانونگه کوره گل آقا شیرزی هم 100یوزمینگ افغانی جریمه تولش باره سیده حکم چیقریلدی"

بوکمیسیونگه ییتیب کیلگن باشقه اوچ شکایت هم کابل بلدیه سی تمانیدن عبدالله عبدالله، قطب الدین هلال، وعبدالرب رسول سیاف نینگ یاپشتیرگن تبلیغی ورق لری پولینی بواداره گه توله مه گنی باره سیده بولگن.

شونینگ دیک 2شکایت هم داود سلطان زوی ومحمد شفیق گل آقا شیرزی دن بولیب سیلاومستقل کمیسیونی تمانیدن بو کمیسیونگه رویخطدن اوتگن.

بو شکایت گه کوره بو ایکله نامزد ایسه هلی گچه بو کمیسیونگه کمپاین مالی گزارش لرینی بیرمه گن.

بیر شکایت باره سیده هیچ نرسه ایتیلمه دی، بو کمیسیون مسووللریگه کوره 6شکایت باره سیده کوپراق تحقیق اوتکزیشدن کیین قرارآلیش لری ممکن.

جمهور رئیس و ولایت کینگشی نینگ کمپاین لری باشلنگندن بیری جمهور رئیس وولایت کینگش نامزدلریدن 3000مینگ دن آرتیق شکایت بو کمیسیون گه قیلینگن.

بو کمیسیون مسووللری بو شکایت لرنی برچه سی تیکشیریلیب وایریم لری عدلی اداره لرگه جونه تیلگنی نی ایتماقده لر.