سیلاولر دقیقه -مه - دقیقه:آواز بیریش یکونلندی و سنه ش جریانی باشلندی

Image copyright AP

امریکا جمهور رییسی باراک اوباما آق اویدن نشر ایتیلگن بیربیاناتده، افغانستان ده بولیب اوتگن سیلاو و میلیون لب افغانلرنینگ اشتراکی نی تبریکله دی

اوباما جنابلری امریکا قوشمه ایالتلری بیر مستقل، برقرار و دموکراتیک افغانستان نی حمایه ایتیشده دوام ایتدیریشی نی تاکیدله دی.

عین حالده، ناتو باش کاتبی اندرس فوگ راسموسن هم شنبه کونی افغانستان بولیب اوتگن جمهور رییسلیک وولایت کینگش سیلاولرینی تآریخی توصیفلب، افغانلرنینگ آواز بیریش مرکزلری قیزیقیب بارگنلیکلرینی خوش قرشیله دی.

او شونینگ دیک، بو مملکت خوفسیزلیک کوچلری نی خوفسیزلیک نی علی درجه ده تامینله گنی باره سیده آلقیشله دی.

راسموسن جنابلری:"مین افغانستان بویلب سیلاولرده قتنشگن میلیونلب عیال وایرکک نی تبریکله یمن"، دییدی او.

شو حالده، بیریتانیا تشقی ایشلروزیری ویلیم هیگ هم بیر بیانات آرقه لی 16 حمل ده مملکت بولیب اوتگن جمهور رییسلیک وولایت کینگش سیلاولرینی افغانستان خلقیگه تبریکله دی. او بو نی افغانستان خلقی اوچون اینگ کته یوتوق دیه توصیفله دی.

شنبه کونی ده بولیب اوتگن سیلاولر خوفسیزلیگی نی تامینلش اوچون کمیده 400 مینگ ایچکی و تشقی عسکر وظیفه دار ایتیلگندی.

ویلیم هیگ، دولتگه قرشی قوراللی مخالفلر مدتلر آلدین بو مملکتده اوتکزیله دیگن سیلاولر جریانی نی برهم اوریشلری باره سیده آگاه لنتیرگندی، اما بونگه موفق بوله آلمه دی، دییدی.

Image copyright AFP

افغانستان جمهور رئیس لیک سیلاویگه نامزد عبدالله عبدالله، دستلبکی نتیجه لراساسیده جمهور رئیس لیک سیلاو لرده برینچی مقامنی آلگنینی ایتگن.

لیکن او موفقیت و یا مغلوبیت اوچون حاضردن صحبت قیلیشی یرته بولگنینی تاکید له گن.

اهالی نینگ سیلاو لرده اشتراکینی آلقیشله گن عبدالله عبدالله بوتون خلق نینگ سیلاو لرده اشتراک ایتیشگه قادر بولمه گنیدن افسوس ده بولگنینی ایتگن.

او سیلاو لر جریانیده تقلب نینگ روی بیرگنینی ایتگن.

عبدالله عبدالله جنابلری اینقسه قلابکارلیک لرنینگ قندهار ولایتی ده روی بیرگنینی معلوم قیگلن.

افغانستان جمهور رئیس لیک سیلاویده نامزد بولگن اشرف غنی احمدزی کابل ده اوتگزگن مطبوعات یغینیده ایتیشیچه:" ایرم محللرده قلابلیکلر روی بیرگن و بونی بیز قبول قیله آلمی میز.سیلاو کمیسیونی بو قلابکارلیکلرنی تیکشریب مسئول بولگن شخص لرنی افشا قیلیشی کیرک." او عینی دمده ساخته کارلیک روی بیرگن محللر ده کی آواز لرنینگ ابطال ایتیلیشنی طلب قیلگن.اونینگ ایتیشیچه آواز صندوق لرینی فقط کمیسیون ایشچی لری تاشیشی کیرک.

افغانستان ایچکی ایشلروزیری محمد عمر داودزی نینگ ایتیشیچه اوتگن 24 ساعت دوامیده عصیانکارلر140 هجوم اویشتیرگن و نتیجه ده ایسه 9 نفر پلیس و 7 نفر ملی اوردو کوچلریدن هلاک بولگن. بو توقنه شو لرده طالبان عصیانکارلریدن 89 نفر هم هلاک بولگن.

اونگه کوره عادی اهالیدن هم تورت نفر روی بیرگن حادثه لرده جانلریدن قولدن بیرگن. و 43 کیشی ایسه یره لنگن .

ایچکی ایشلر وزیری بیرنیچه آواز بیریش مرکزلریده انتحارچی شخصلر هم کیریشگه حرکت قیلگن.

Image copyright Reuters

افغانستان مستقل سیلاو کمیسیونی باشلیغی یوسف نورستانی نینگ ایتیشیچه اقشام ساعت بیشگچه 7 میلیون دن آرتیق شخص سیلاو لرگه قتنشگن .

Image copyright BBC World Service

جنوبی قندهار ولایتیده آواز لرنی سنه ش جریانی کیچقرون 5:30 ده باشلندی.اما شمالی بلخ ولایتی ده ایسه، آواز بیریش قاغازلری ییتمه گنی باعث، بو جریانی ساعت 6 گچه دوام ایتدیریلدی و حاضردن باشلب آوازلرنی سنه ش دوام ایتماقده. بو آوازلرنینگ سنه ش نتیجه لری تومنلردن ولایت لرگه خبر قیلینماقده.

کابلده هم آواز بیریش جریانی ساعت 5 ده یکونلنگن و سنه ش جریانی باشلنگن.

شمالی فاریاب، سمنگان، جوزجان، سرپل و بلخ ولایتلریده توشدن کیین آواز بیریش قاغازلری توگه گنی باعث، یوزلب آدم آواز بیریشدن محروم قالیشگن.

خبرلرگه کوره، یگانه بلخ ولایتیده کمیده اون مرکز توشدن کیین قاغازلر ییتکزیلمه گنی سبب، یاپیلگن.

مزارشریفده آواز بیریش گه موفق بولمه گن شخصلر سیلاو کمیسیونیگه قرشی نمایشگه چیقیشلری ممکنلیگی ایتیلماقده.

جوزجان ده هم یوزلب آدم آواز بیریش گه موفق بولاآلمه گن، اما بو ولایتلرده سیلاو جریانی تینچ بیر شرایط ده اوتکزیلدی. آدملر کینگ مقیاس ده اشتراک ایتیشدی و قیزیقلری مثال سیز ایدی.

عین حالده، جمهور رییسلیک نامزدلری بو جریان حقیده خیلمه خیل فکر بیلدیریشگن.

اشرف غنی احمدزی سیلاو کمپاین سوزچیسی فیض الله ذکی، سیلاو شکوه ودبدبه لی بیلن اوتکزیلگنینی ایتیب، بو مسله ایریم منطقه لرده گی مرکزلرنینگ آواز قاغازلری نینگ ییتمه ی قالگنی سبب بولگن دییدی.

عبدالله عبدالله نینگ کمپاین سوزچیسی فاضل سان چارکی، عبدالله نینگ طرفدارلری اکثریت بولگن منطقه لرده گی آواز بیریش قاغازلری آز یوباریلگنی نی تنقید قیلیب، اولرنینگ اکثر طرفدارلری آواز بیره آلمه گنی نی تاکیدله دی.

او بوحقده بامیان، بدخشان، دایکوندی، بادغیس ، تخار، هرات، بلخ و کابل ولایتلریده احتمالی زوره وانلیک یوزه گه چیقیشی ممکنلیگی نی ایتماقده.

اما زلمی رسول سیلاو کمپاین سوزچیسی جاوید فیصل، بلخ، فاریاب، هلمند و سمنگان ولایتلریده ایریم قوراللی شخصلر نینگ توسقینلیک یره تگنیگه قره مه ی، سیلاولر جریانیدن راضیلیک بیلدیرگن.

قطب الدین هلال نینگ کمپاین سوزچیسی عیدمحمدهم دولت و بیرقطار نامزدلرنی قلابلیکده عیبلب، اون فقره شکایت کمیسیون گه یوبارگنلیکلرینی معلوم قیلدی.

هدایت امین ارسلا سوزچیسی ذبیح الله فرهنگ، تهدیدلرگه قره مه ی، اهالی نینگ سیلاولرده کینگ قتنشگنی نی آلقیشله دی، اما اونلب قلابلیک یوز بیرگنی نی ادعا قیلدی. او شکایت کمیسیونی دن بوحقده اعتبار قره تیشی نی سوره دی.

عین عبدالرب رسول سیاف نینگ سوزچیسی فهیم کوهدامنی، یامغیر یاغگنیگه قره مه ی، اهالی نینگ آواز بیرگنلیکلرینی آلقیشلب، آوازبیریش قاغازلری آزلیگی دن شکایت قیلدی.

Image copyright najibulah Mosafir

بوگون سرپلده 111آواز بیریش مرکزدن بیر مرکز امنیتی تهدیدلربوجمله دن ماین جایلتشیریلگنی سبب آچیلمه گن.

بو ولایت نینگ سنگچارک تومنیده سیلاولر مستقل کمیسیونی وناظرلردن 10کیشی قمه لیب قالگن سرپل ولایتی نینگ پلیس رسمی لریگه کوره عصیانچی لرهجوم آستیده قالگن کیشی لر امنیتی کوچلر سعی وحرکتی بیلن توشدن کیین ساعت 4:3 هجومچی لردن قوتقریلگن لر.

سیلاولر کمیسیونی نینگ معلومات اساسیده حاضر برچه ولایت لرگه صندوقلرگه توکیلگن رای لر حسابلنماقده. اوزاق تومنلرگه هم حساب لش جریانی باشلگنی ایتیله دی، بیرنیچی نتیجه ثور آی نینگ تورتینچی سی و نهایی نتیجه ایسه ثور ای نینگ 24 تورتینیچی سیده اعلان ایتیلیشی کوتیله دی. بو مدت جریانیده سیلاولرده قنده ی قلاب کارلیک یوزبیرگنی و ییتیب کیلگن شکایت لرهم شکایت لرنی تیکشیروچی مستقل کمیسیونی تمانیدن تیکشریله دی. شونینگ دیک مستقل سیلاولر کمیسیونی صف لرگه توخته گن اهالی رای بیریش لری ممکن لیگینی ایتدی. جمهوررئیس لیک نامزلریدن عبدالله عبدالله و اشرف غنی احمدزی نینگ مطبوعات مسووللری طرفدارلری کوپ بولگن منطقه لرده کمیسیون تمانیدن آز قاغذ یوباریلگنینی دن شکایت قیلیشگن. نامزد لردن باشقه بیری قطب الدین هلال نینگ مطبوعات مسووللری دولت وایریم نامزدلر قلاب گرلیککه قول اورگنینی ایتگن. شونینگ دیک جمهورریس نامزدلری نینگ کمپاین مسووللریدن بیر رای قاغذلری کم لیگی قلاب گرلیککه یول قوییش دیه بهاله گن. داود سلطان مردم اشتراکینی آلقیش لب تیزلیکده قلاب گر لیک باره سیده مناسبت بییلدیریش ایرته دیب ایتگن. نامزد لردن باشقه سی زلمی رسولی رای بیریش جریانیده راضیلیک بیلدیرگن.

افغانستان مدافعه وزیرلیگی گه کوره مملکت شمال شرقیده جایلشگن قندوز ولایتیده گی سیلاومرکزلری طالب لرتمانیدن هجومگه توتیلگنی سبب سیلاولر کمیسیونی نینگ 4خادمی وملی اردو نینگ 3عسکری یره لنگن. ومملکت شمال غربیده جایلشگن بادغیس ولایتیده ملی اردو بیلن طالب لر آره سیده یوزبیرگن توقنه شووده 12عصیانچی هلاک ایتیلیب و9کیشی هم یره لنگن.

ولوگر ولایتیده هم ملی اردو قرارگاه لریدن بیری هجومگه توتیلیب ملی اردو نینگ بیرعسکری هلاک بولگن.

Image copyright AP

جمهور رئیس نامزدلریدن محمد شفیق گل آقا شیرزی اهالی نینگ بو جریانگه فعال حصه قوشگنی نی آلقیشلب اما قندهار ووارزگان ولایت لریده قلابلیک لر یوزبیرگنی باره سیده گزارشلرییتیب کیلگنی نی معلوم قیلگن.

بی بی سی مخبریگه کوره، سیلاوولرناظرلری زرمت تومنیده کاندیدلردن بیری نینگ نفع گه ایشله گنلر.

بغلان ولایتی رسمیلرنینگ ایتیشیچه، بوولایت نینگ تاله همده برفک تومنیگه سیلاوولرموادی آلیب باریله دیگن موتر، یولده قالگن که طالبان اولرنی دریاگه تشله گن و قیته دن بوتومنگه مواد یوباریلگن وحاضرایسه بوتومنده قیین چیلیک قالمه گن.

سیلاوولرمستقل کمیسیونی 211 آوازبیریش مرکزینی آچیق لیگینی اعلان ایتگندی، خوفسیزلیک تهدیدلرسبب بومرکزلریاپیلگن. شوترتیبده 961آوازبیریش مرکزلری تعطیل ایتیلگن.

غزنی ولایتی نینگ ایککی تومنیده ایککی کیشی یره لنگن. اندرتومنیده بیر ماین آتیلیشی بیلن بیرعیال یره لنگن. «ده یک» دیگن تومنیده شورشچیلرتمانیدن فیرایتیلیشی بیلن آوازبیریش مرکزیده بیرایرکک یره لنگن.

بی بی سی مخبریگه کوره، غزنی ولایتی نینگ مالستان تومنی ونوآباد منطقه سیده آوازبیریش قاغذلری تمام بولگن.

شمالی قندوزولایتیدن خبربیریشلریچه، طالبان وافغان خوفسیزلیک کوچلری آره سیده چاردرده ناملی تومنیده بیرساعت دن بویان اوروش جریانی بار. قندوزباشلیغی نینگ اورین باسری نینگ ایتیشیچه، تلفات وخساره دن خبریوق.

افغان رسمیلری آوازبیریش نینگ نهایه سیگچه قنچه کیشی هجوم جریانیده هلاک بولگنلریدن اعلان قیلیشگه قادرایمسلر.

Image copyright

افغانستانده سیلاوولرجریانی ینه بیرساعت تمدید ایتیلدی

سیلاوولرمستقل کمیسیون ریسی ، سیلاوولرنی ایکینچی دوره گه باریش امکانینی ایتگن. یوسف نورستانی، بوگون توشده بیرخبری ییغینده آوازبیریش کیچ باشلنه نیشی بیلن، سیلاوولر ینه بیرساعت تمدید ایتیلیشینی ایتگن.

اونگه کوره، آوازبیریش ساعت تورت ده نهایه سیگه ایتیلیشی کیره ک ایدی، لیکن حاضرایسه بوجریان ساعت بیش گه قدر دوام ایتیشی ممکن. ضرورت قدر جریان تاپیش امکانی بار.

نورستانی جنابلری نینگ ایتیشیچه، بوگون افغانستان بوییچه 6212 آوازبیریش مرکزی آچیق، همده 211 آوازبیریش مرکزی ایسه خوفسیزلیک تامین ایمسلیگلی باعث یاپیق قالگن.

بوندن آلدین 6432 آوازبیریش مرکزی سیلاوولرکونیده آچیق ، همده 748 آوازبیریش مرکزی خوفسیزلیک تامین ایمسلیگی سبب، یاپیق قالیشی اعلان ایتلگندی.

هوا بوزوقلیگی همده اهالی نینگ رنگلی حضورلری

سیلاوولرمستقل کمیسیونی ریسی یوسف نورستانی نینگ ایتیشیچه، افغانستان نینگ بعضی منطقه لریده هوا نامناسب بولیشیگه قره مه ی، کوپلب اهالی سیلاوولرگه قتنشگنلر.

اونگه کوره، افغانستان نینگ 8 ولایتی قویاشلی، 7 ولایتی یریم بولوت، 13ولایتی بولوتلی همده 6 ولایتی هم یاغینگرچیلیک دیر.

نورستانی جنابلری، خوفسیزلیک کوچلری نینگ خوفسیزلیکنی تامین ایتگنلریدن خرسندچیلیک بیلدیری. لیکن اونینگ ایتیشیچه، اوتگن کیچه بیرتعداد کارمندلریدن بغلان ولایتی نینگ تاله وبرفک دیگن تومنیده کلتک ییگنلر. همده دولت قرشیلری بومنطقه ده بیرقنچه آوازبیریش صندوقلرینی سووگه تشله گنلر.

هنوزگچه افغانستان نینگ بعضی منطقه لریدن خوفسیزلیک حادثه لری توغریسیده خبرنشربولگن، لیکن هیچ قنده ی تلفات بولمه گن.

فریدون انیق مزارشریف دن :

مزار شریفنی برچه سایت لریده آواز بیریش اوچون قیزیقیشلر جوده زور بولگن و یوزلرچه کیشیلر ساعتلب آواز بیریشنی کوتماقده. و آواز بیریش یولی بیلن اوز کیلجگلرینی تعین قیلماقچی لر.

امین محمدی اندخوی:

Image copyright bbc uzbek
Image caption ابو یوسف لیسه سی

سعید احسان احسان فاریاب دن :

Image copyright bbc uzbek
Image copyright bbc

ملتیمنینگ شوندی وضعیتته سلاولرگه قتنشلری بیر گوزل کیلجیک اوچون منی جوده هم امیدلندیره دی.

فضل احمد یلغوز کابل:

ایچکی ایشلر وزیرلیگی اورین باسری محمد ایوب سالنگی مطبوعات انجمنی اویوشتیریب سیلاولر جریانیده یوزبیرگن امنیتی واقعه لر باره سیده معلومات بیردی.

افغانستان نینگ خوست ، ننگرهار ، لغمان ، لوگر، بدخشان، سمنگان ، زابل، کاپیسا ، فاریاب، کابل ، قندهار وکنر ولایت لری خوف سیزلیک حادثه لریگه گواه بولگن.

خوست ولایتیده گی ایککی مرکز طالبان تمانیدن راکتی هجوم بیلن نشانگه الینگن ودیورند چیزیغی یقینیده افغان امنیتی کوچلر ی و طالبان اره سیده توقنه شوو روی بیرگن. اما جانی تلفات بولمه گنی ایتیله دی.

ننگرهار و لغمان ولایت لریده هم رای مرکزلری راکت بیلن هجومگه توتیلگن. کابل ولایت نینگ قره باغ تومنیده یول چیککه سیگه اورنه تیلگن ماین پارتله گن .

فاریاب ولایتی نینگ شیرین تگاب تومنیده انتحاری هجوم اویوشتیرشینی قصد قیلگن بیر شخص پلیس کوچلری تمانیدن توتقینگه آلینگن. قندهار، سمنگان وکنر هم امنیتی حادثه لرگه گواه بولگن.

زابل ده ماین اورنه تیشینی قصد قیلگن اوچ کیشی ماین پارتلش نتیجه سیده قربان بولگن. شونینگ دیک کنر ونورستان ولایت لریده هم هوا بوزیق لیگی باعث سیلاولرگه عاید کیره کلی ماده لر ایریم مرکزلرگه ییتکزیلمی وایریم مرکزلرگه هم کیچ ایتیب بارگن.

وردک ولایتی ده هم ایککی پلیس ایشچیسی و بیر امنیت خادمی انیق بیر نامزد طرفدارلیگی گه ساخته کارلیک قیلیش عیبلاو بیلن قولگه آلینگن. بدخشان ولایتیده عصیانچیلر تهدیدی باعث توقیز مرکز یاپیلگنی تصدیق لنگن. بو لایت ده هم اوروش یوزبیرگن.

سیلاولرنی نظارت ایتیووچی تیفا ناملی تشکیلات سیلاولر خصوصیده حسابات ترقه تدی. بو تشکیلات حساباتیده یازلیشیچه، حاضرگه قدر را مرکزلریگه وظیفه لنتیریلگن قریب یوزناظرلری بیلن علاقه قوریب سیلاولر حقیده معلومات آلینگن. شونینگ دیک تشکیلات حساباتیده، رای مرکزلری نینگ 98 فایزی گه نامزد لر تمانیدن تعین ایتلگن ناظرلر حضور تاپگنی ایتیلگن. اما ایریم رای مرکزلریگه رای قاغذلری توگب قالگنی هم خبرقیلینگن.

حیات شیبان مزارشریف:

مزارشريف ده سيلاولرده آواز بيريش جرياني ايرته لب ساعت 7 ده باشلندي.

آدملر گروه گروه آواز مركزلريگه كيليب، راي بيريشماقده لر. بو جريان قتيق خوفسيزليك چاره تدبير آستيده اوتكزيلماقده. هر بير آواز بيرووچي شخص ايشيك ده گي خادملر تمانيدن قتيق تيكشيريله دي.

اما آواز بيرووچيلرنينگ اكثر قسمي ني ياشلر تشكيل بيره دي. اولر جوده بير قيزيقيش بيلن آواز بيرماقده لر.

حتي ناگيران شخصلر هم اوز يقينلري ياردمي بيلن مركزلرگه مراجعت ايتيب، آواز بيريشماقده.

عياللر ايككلرگه قره گنده، كته آز كورينه دي.اما آواز بيريش مركزلري برچه اوچون ييترلي بولمه گني، ايريم شخصلرنينگ شكايتي هم سبب بولماقده.

مركزلري ساني آزليگي و راي بيرووچيلرنينگ ساني كوپليگي، بيرقطار كيكسه آدملرنينگ محل ني ترك ايتيشلريگه سبب بولماقده.

شونگه قره مسدن، ياش و چيدملي شخصلر اوچ تورت ساعت كوتيب، آواز بيريشماقده.

خوفسيزليك نينگ اساسي شكلده تامينلنگي، آدملرنينگ ايشانچي كوچيتيرگن.

بلخ امنيه قوماندانليگي سيلاولر جريانيده يوز بيره ديگن احتمالي حادثه لرنينگ آلدي آلينگنيني ايتدي.

بو ولايت امنيه قومانداني عبدالرحمن رحيمي، بير نيچه منطقه ده سيلاو جرياني ني برهم اوريش نيتيده اورنه تيلگن ماينلرني ايشدن بوشتگنليكلري باره سيده خبر بيردي.

مزارشريفده سيلاو جريانيني نامزدلر نظارتچيلري ومستقل ارگان خادملري نظارت ايتماقده. اولر گه كوره، هنوزگچه هيچ بير مركزده قلابليك حالتي يوز بيرمه ي، آواز بيريش جرياني شفاف اوتكزيلماقده.

بلخ ولايتي بويلب جمعآ 319 آواز بيريش مركزي فعاليت قيليشي ممكن ايدي، اما بولردن فقطگينه بير مركز خوفسيزليك تهديدلرباعث، آچيلمه ي قالگن.

اما اهالي بوتون ولايت مركزلريگه باريب، آواز بيريشگه قادر ايكني ايتيلماقده.

ليكن راي بيرووچيلرنينگ ساني كوپليگي، شو كون نينگ اوزيده برچه آدملر راي بيريشگه قادر بوله آلمسليگي احتمالي موجود.

حسام الدین تویغون فاریاب :

فاریاب ولایتی گه قرشلی شیرین تگاب تومنیده خودکش هجومجی هدف گه یتیش دن آلدین امنیتی کوچلرتمانیدن اوشلب آلینگن. فاریاب امینه قومندان لیگی نینگ رسمیلی فیسبوک صفحه سیده یازیلیشیچه خودکش هجومچی قول بمبی همده انتحارچی واسکتی بیلن رای بیریش مرکزیده یوگورگن حالده پولیس آرقلی اوشلب آلینگن لیگینی معلوم قیله دی. فاریاب پولیس بوحقده تیکشیرولرباشلنگنینی ایته دی.باشقه بیرخبرگه کوره فاریاب ولایتی نینگ غورماچ تومنیده جنگری گروه لرامنتی کمرلردن بیرگه هجوم قیلیب نیجه ده بیرنیچه دقیقه لیک اوروش لرعاقبتیده بیش کیشی جنگری هلاک ایتیلگن لیگی ایتیلماقده.فاریاب امینه قومندانی توریالی عبدیانی فاریاب ولایتی نینگ 6السوالیگی دن هم آلتی حلقه ماین قولگه کیلگن لیگینی ایتماقده. فاریاب امینه قومندانی امنیتی کوچلرگه هیچ قندی تلفات یتمه گن دیدی. شونینگدیک دولت آباد تومنیده هم بوگون ایرته لب جنگری گروه لر امنیتی پوسته لراوستیده گه هجوم قیلگن لیک لری ایتیلماقده اما محلی رسمیلر کوچلری بوحقده معلومات بیریش دن باش تارته دی.

Image copyright bbc
Image caption فاریاب ولایتی نینگ مرکزی میمنه شهری ده بولگن رای بیریش مرکزلریده 13یاشلی بیرباله کمیسیون تماندن کارمند حیثیده ایشگه آلینگن

شکیبا قاری زاده مزارشریف:

بوگون افغانستان بوییچه ریس جمهورلیک همده ولایتی کینگاش سیلاولری باشلندی. شمالی مزارشریفده هم ایرته لب ساعت 7ده باشلندی. بوولایتده ایرککلرقطاریده عیاللرهم اوزاورنینی ایگللب بارماقده. مین آریانا ناملی منطقه سی وجدان مکتبیگه باریب عیاللرحضورینی یقیندن کوردیم، اوتگن سیلاوولرگه قره گنده، عیاللرنی حضوری خصوصأ مزارشریفده جوده اونیملی. بوییرده یاشی اون سکیزدن تا کیکسه عیاللرهم اشتراک قیلیشگن، کیله جک ریس جمهورنی بیرعادل کیشی بولیشینی ایسته یدیلر. آوازبیریشلرنوبت اساسیده اوتکزیله دی، لیکن بیرقطار اویده گی عیاللر نظم نی کوزگه آلمسلیکلری هم کورینه دی.

Image copyright bbc uzbek

افغانستان بویلب جمهوررییس لیک ولایتی کینگاش سیلاولری اوچون رای بیریش جریانی افغانستان وقتی بیلن ساعت یتتی اطرافیده باشلندی. افغانستان جمهوررییسی حامدکرزی ایککی اورین باسرلری بیلن بیرگه کابلده گی امانی لیسه سی گه باریب رای بیردیلر.

جمهوررییس قیسقه صحبت قیلیب، سیلاولر اهمیتی باره سیده فکر بیلدیردی شونینگ دیک او، افغانستان خلقی نینگ را بیریش گه چقیردی.

شونینگ دیک مستقل سیلاولر کمیسیون رییسی محمد یوسف نورستانی حبیبیه لیسه سی گه باریب افغانستان وقتی بیلن ساعت 7:20 آواز بیردی. شو بیلن رای بیریش جریانی افغانستان بویلب باشلندی؛ جناب نورستانی عینی محلده مطبوعات انجمنی اویوشتیریب بوکون نی افغانستانلیک لر اوچون خوشلیک بیر کون اته دی. همده افغانستان یشاوچیلرینی رای بیرییشگه ترغیب ایتدی.

Image copyright AFP

شونینگ دیک جمهوررییسلیک نامزدلریدن ایریم لری هم کابلده گی رای مرکزلریگه مراجعه قیلیب رای بیریشدیلر.

ایچکی ایشلر وزیرلیگی تامانیدن ترقه تیلگن خبرنامه ده یازیلیشیچه،وردک ولایتیده مستقل سیلاولر کمیسیون مسووللریدن بیری و اوشبو ولایت گه تیگشلی سید آباد تومنی نینگ جنای مسوولی رای صندوقلرینی ساخته کارت لر بیلن تولدیریش عیبلاو بیلن توتقینگه آلینگن.

خوست ولایتی نینگ ولایت مقامی بیر خبرنامه ترقه تیب، ساخته رای کارت لرینی رای مرکزلریدن بیرگه آلیب کیره یاتگن نیچه شخص توتقینگه آلینگنیدن خبربیرگن.

کابلده گی سیلاو مرکزیگه باش اورگن همکارم شفیع بیک اوغلی رای بیریش اوچون مردم صف تارتیب تورگنینی ایته دی. اونگه کوره، کابلده قتیق خوف سیزلیک چاره و تدبیر لری آلینگن. اهالی و موترلر، امنیتی کوچلر تمانیدن بیرمه بیر تیکشیریلماقده.

بلخ ولایتیده گی همکاری میز حیات الله شیبان گه کوره، هر بیر رای مرکزیده یوزلب رای بیروچیلر صف گه توخته گن، اکثریتی یاشلردن عبارت، اما بعضی بیر کیکسه ادملر نوبت ایتیشمه گنی اوچون اویلریگه قیتیب کیتماقده ایکن. ناگران شخصلر هم شوندی وضعیت ده بو شخص لر هم عادی ادملر دیک صف گه توختش لریگه مجبور ایکن.

Image copyright AFP

شیبان جنابلری نینگ ایتیشیچه او بارگن رای مرکزلری گه عیاللر اشتراکی آز بولگن. قریب هربیر بیش دقیقه ایچیده ایککی یا اوچ عیال کیلیب رای بیررایکن.

فاریابده گی بی بی سی خبرنگاری حسام الدین تویغون فاریاب ولایتیده رای بیریش جریانی یخشی بولیب اوته یاتگنینی ایته دی. اونینگ ایتیشیچه، ناتینچ تومنلرده هم حاضرگه قدر قندی دیر امنیتی معما چیقمه گن.فاریاب ولایتیده رای بیریش مرکزلریدن 14 فایزی تهدید آستیده بولگن.

بی بی سی نینگ تخارده گی خبرنگاری مبین غفوری اوشبو ولایتده مردم اشتراکی یخشی بولگنینی اورغولب بیراق ایریم تومنلرده رای قاغذلری آزلیگیدن شکایت یوزه گه چیققنی نی تیلگه اله دی.

جوزجان ولایتیده هم مردم قیزیقیب اشتراک ایتماقده ایکن، بی بی سی خبرنگاری نوید نظری نینگ ایتیشیچه، جوزجان ولایتی نینگ درزاب تومن اهالیسی طالبان عصیانچیلری مردم نینگ سیلاولرگه اشتراک ایتمسلیک لریگه تهدید قیلگنی باره سیده فکر بیلدیرگن. اما امنیتی کوچلر هیچ قندی تهدید بولمه گنینی ایتگنلر. جوزجان ولایتی نینگ چیککه حدودلریده هم بیرنیچه رای مرکزی تهدید استیده بولگنی ایتلگن ایدی.

Image copyright Reuters

افغانستان بویلب 423 رای مرکز ی فعال و 747 رای مزکزی خوف سیزلیک معما باعث آچیلمه ی قالگن.

مستقل سیلاولر کمیسیونی رای بیریش شرایط گه ماس بولگن 15 میلیون کیشی دن 13 میلیونی سیلاولرگه اشتراک ایتیشیگه امید بیلدیرگن.

200 مینگ امنیتی کوچ سیلاولر امنیتی نی تامین لش اوچون وظیفه لنتیریلگن.325 ایچکی و تشقی ناظر بولیب اوته یاتگن سیلاو لرنی نظارت ایته دی.