عبدالخليل مونس : سوزینگ درو یوزینگ مهتاب،لب لعل تومیگون است

Image copyright bbc uzbek

عبدالرحیم اوغلی عبدالخلیل مونس1366 ییلی سمنگان ولایتی نینگ لرغان

قیشلاغیده دنیاگه کیلگن. مونس باشلنغیچ مكتب ني توغيليب اوسگن دياري لرغانده اوقیب، اورته ولیسه دوره سينی ایسه آیبیک لیسه سیده 1388 ییلده بیتیرگن. عین حالده دینی بیلیملرینی بوييچه هم تحصيل قيليب، بو توغريده دين عالملريدن اورگه نیب، 1388 ییلده کانکورسیناوینی اوتکزگندن کیین، 1389 ییلده بلخ بیلیم یورتی ادبیات وبشری بیلیملر فاکولته سی نینگ تورکالوژی(تورک – اوزبیک تیلی وادبیاتی) بولیمیده اوقيشگه قبول بوليب، 1392 ییلده بيتيريش حجت ني قولگه كيريتگن.

"مونس" باله لیک چاغیدن شعر و داستان یازیشیگه قيزيقيب، دنیا خیالاتلری بیلن شعربوستانیگه قدم قویدی.

یازیلگن شعرلری ایسه غزل، قصیده، رباعی قالب لریده بولیب، ایریم قالب لرده هم قلم تیبره ته دی. "مونس" قنچه ییللردن بویان اوزبیک ودری تیللریده شعر یازیب ایککی رساله اوزیدن تیارله گن. بیری اوزبیک ودری تیلیده بولگن (مونس تویغولری) وایککینچیسی ایسه دری تیلیده منسوب بولگن (فرجام عشق) داستان رساله سی دیر.

بیراق ایریم قیینچیلیکلرگه قره مه ي، بوایککی توپلم هنوزگچه چاپ ايتيلمه گن.

قوييده گي شعرلر اونينگ ايجاديدن نمونه:

جان آنم

حیاتیم بیرله هرقانیم تیریکــدورسن بیلــــن آنــــم

اگرده بولمه سنگ جــــان وجهانیم یوق دیوانــــم

غریب وبینوا من کیل، بوغربت شهریده سولدوم

چیرایلی کون لریم ماتم بولوب سن یادینگه تولدوم

بهاریاشیم بیلن سنگه قره ب مهرینگ منی توتدی

کوتیب یولینگده جــان آنم شراره کوزلریـــــم پیتدی

قچان وصلینگده من آنـــــم ییتیب قلبیم دوا قیسلـــم

مــــدوا بولمسه،باشیم ایاغینــگـــده قـــوییب اولسم

مسافــرملکیـــده سرسان بولیب یانینگدن ایریلدیـــم

توشیب نآی ایچره احوالیم خبرسیزیولــده قیریلدیـــم

تیلیم وصلینگده ای آنـــم نیتآیین اوزگاه سیغدیرمس

کیچه قیغوبیلـــن ییغلب،که روزبیگــــانه بیلدیرمس

سریق یوزوم، قراه باشیمده یوق سرداشیم یارمنگاه

تولوب کوزوم روان یاشیم بولوب تور،آنه جان سنگاه

پریشان سیزبول ای آنم همـــــه پیت شادمان بولگیل

یمان یول بولسه گریخشـــی به بسم الله قــــدم قویگیل

کیمـی (جنت)اگردیسه نیچــوک سرسانــه بولسونلــر

سهل دور(جنت الفـــــروس) رضـــای آنه تاپسونلـــر

دعاقیلگین که "مونس" سن دعایینگه یشه ب یورگــن

نیچوک که فیض رحمت نی دعایینگه سزا کورگــن

وعده ایتمه

سوزلرینگ درگـوهرونرگسینگنی دانه ســـی

صفحه ده آقرگلوم بوغملرینــــگ نیشانه سی

قلب ایچینده کیم بولور، یادی چوچوک دلدارنی

وعده ایتما گای کیشیده مین اونینگ دیوانه سی

قیلسنگ نظر

تون غرانغوکیچه لربوسفره اول ماهینگ تیلار

دانه لرغم قیغولـــــردن یادینه جیهـــون قیـــلار

پرده یوزینگنی آلیب جان بیرسما قیلسه نگ نظر

حمـــد ثنا یینگه خــــــدادن ملاییک ییرگه کیلار

یوزینگ مهتاب

سوزینگ درو یوزینگ مهتاب،لب لعل تومیگون است

سنینگ عشقینگدن ای دلبردلم چــوجام پرخــــون است

کوزوم یاشـــی بیلن سنگـــه قــره ب مهرت به دل دارم

قــــدینگ سروکبی، مونس زغمهایت دگرگــــــون است