عبدالله عبدالله و اشرف غنی دستلبکی سیلاو نتیجه لری نینگ ایتکچی سی

Image caption منبع: مستقل سیلاو کمیسیونی

افغانستان مستقل سیلاو کمیسیونی جمهور رئیس لیک سیلاو آواز لری نینگ 10 فایزینی اعلام قیلدی.

اعلام ایتلگن حسابگه کوره، اینگ کوپ آوازنی عبدالله عبدالله اوندن کیین ایسه اشرف غنی احمدزی قولگه کیرتگن.

سیلاو کمیسیون رسمیلری تمانیدن پایتخت کابل ده یولگه قوییلگن مطبوعات یغینیده اعلام قیلنگن حساب لرگه کوره 10 فیصد رای دن عبدالله عبدالله 41.9 فیصد و اشرف غنی احمدزی ایسه 37.6 فیصد آوازنی قولگه کیرتیشگه قادر بولگن.

عینی حسابلراساسیده، زلمی رسول 9.8 فیصد و عبدالرب رسول سیاف ایسه 5.1 فیصد آوازنی قولگه کیرتیشگه قادر بولگنلر.

بو نتیجه لر 26 ولایتده بیرلگن 500 مینگ آواز اساسیده آلینگن.

بدخشان، بغلان، غور، نورستان، دایکندی، پکتیکا، وردک ، غزنی و بلخ ولایتی نینگ آوازلری حاضرگچه اعلام بولمه گن.

سیلاو کمیسیونی باشلیغی یوسف نورستانی نینگ ایتیشیچه بو نتیجه لر شکایت لرنینگ تیکشیرلیشی آرتیدن اوزگریشی ممکن.