باش قاره لاوچیلیک فساد دوسیه لرینی تیکشیرمه گنلیکده عیبلندی

Image caption اداري فسادگه قرشي كوره ش قوشمه نظارت كميه سي، فساد افغانلرنينگ بوتون حياتيگه تاثير قويگني ني ايتگن.

اداري فسادگه قرشي كوره ش قوشمه نظارت كميته سي، فساد افغانلرنينگ بوتون حياتيگه تاثير قويگني ني ايتگن.

بو كميته اوزي نينگ آلتي آيليك گزارشيده افغانستان باش قاره لاوچيليك اداره سيني يوزلب فساد دوسيه لريني تيكشيرمه ي قويگنليكده عيبله گن.

هر آلتي آی ده بير مرتبه نشر ايتيله ياتگن اداره فساد گه قرشي كوره ش قوشمه نظارت كميته سي نينگ بيشينچي گزارشيده افغانستان بيرقطار اداره لر يده فسادنينگ كينگ ايلديز آتگني قيد ايتيلگن.

بو گزارشده خلق ارا كوچلر، مهاجرلر وزيرليگي و سرمايه ياتقيزووچيلريني حمايه ايتووچي آيسا اداره سي باشقه اداره لرگه قره گنده، فساد گه قرشي كوره شده ضعيف عمل قيلگني كورستيلگن.

بو كميته اعضالريدن يما ترابي:"بيز بو اداره لردن بوحقده همكارليك سوره ديك، اما افسوس كه ييترلي درجه ده بيزگه جوا ب بيريشمه دي جمله دن آيساف كوچلريدن بيز سردار محمد داوودخا شفاخانه سي قضيه سي باره سيده ياردم طلب قيلديك، اما همكار قيليشمه دي. شونينگ ديك آيسا اداره سيدن ساختگي حجتلربيلن رويخطدن اوته ديگن خصوصي شركتلر حقيده همكارليك سوره ديك، اولر هم بو باره ده جواب بيريشمه دي. دييدي يما ترابي".

ترابي جنابلري اداري فساد گه تيگيشلي قضيه لردن بيرقطار فاش ايتيلگني ني ايتيب، باش قاره لاوچيليك اداره سي مهم قضه لر جمله دن كابل بانگ بحراني و سردار محمد داوودخان شفاخانه سي قضيه لريگه اعتبار بيرمه گنيني تاكيدله ماقده.

افغانستان باش قاره لاوچيليك اداره سي سوزچيسي بصير عزيزي بو قضيه لر حجت و گواهنامه لري تيكشيريلگنيدن سونگ، قانوني شكلده تيكشيريله دي دييدي:"بيز هر كوني كشفي ادارلر همكارليگي بيلن دوسيه لرني تيكشيريشگه وظيفه دار ايتيلگن قاره لاوچيلرنينگ ايش فعاليتلريدن خبردار بوله ميز. دوسيه لر حجت و گواهنامه لراساسيده تيكشيريله دي ومحكمه گه تاپشيريله دي".

اما بو آلتي آيليك گزارش اميد سيزلنترووچي ايمس.

اداري فساد گه قرشي كوره ش و مستقل نظارت قوشمه كميته سي رييسي راشد بهروز، قوريليش بوليملريده گي شفافيت و كميده اوچ مين دين عالمي نينگ فسادگه قرشي كوره ش كمپاينيده گي رولي همده قانون لايحه سي ترتيب گه توشيريلگني، بو حادثه نينگ آلديني آليشگه ياردم بيريشي ممكنليگي تاكيدله دي.

بهروز گه كوره، اولرشونينگ ديك، يير غاصبلري و صفتسيز داريلر وارداتي توغريسيده هم گزارش تيارلشگن.