پاکستانده "آدم خور" قولگه آلیندی

Image copyright

ایتیشیچه، بونقه سی پاکستان نینگ بو یقین تاریخیده بولمه گن.محلی پلیس گه کوره، عارف علی اوکه سی بیلن بیرگه 100دن آرتیق جسدنی قبردن قزیب آلیشگن و ییشگن.

کیچه دوشنبه کونی اوتکزیلگن مخصوص قیدیرو چاغیده، اولرنینگ اویلریدن یاشگینه باله نینگ باشی چیققن.

حادثه پاکستان نینگ مرکزی دریا خان شهرچه سیده یوز بیرگن.پلیس خادم لری حاضر اونینگ اوکه سی محمد فرمان علی نینگ ایزدن توشیرگن.

اکه- اوکه ایکه لاوینی"آدمخورلیک" که نیمه اونده گینه معلوم ایمس.میلادی 2011ییلده اولر یاشگینه قیزنینگ جسدینی قبردن کاولب آلیشگن.

اما قیلمیشلری معلوم بولیشی آرتیدن، ایکی ییلگه قمه لیشگن. اکه- اوکه اوشنده هم قیزچه نینگ گوشتی دن کرری(قاوورمه)پیشیرگنلیکلریگه اوزلری اقرار بولیشگن.

اما پاکستان جنایت قانونیده"آدمخورلیک" کوزده توتیلمه گنی باعث، ایکاولان قبرنی آیاق- آستی قیلگن لیکده عیب دار، دیب تاپیشگن.

اوشه پیت اولرنینگ روحی خسته ایکن لیک لریگه عاید گپ- سوزلر هم ترقلگن، بیراق شفاکارلر تامانیدن بو تشخیص نینگ رسمن تصدیقله گنی ویاده یوقلیگی معلوم ایمس.

میلادی 2013ییل نینگ می آییده ایسه، اولر آزادلیککه چیقیب کیلیشگن.اکه- اوکه نینگ قوییب یوباریلیشی محلی اهالی نینگ کیسکین ناراضی لیگی گه سبب بولگن.

بوندن قورققن ایکاولان شوندن سونگ اوزلری نی بیگانه لرنینگ کوزلریدن پناه توتیشیگه حرکت قیلیشگن.

اما دوشنبه کونی قوشنی لری اکه- اوکه نینگ اوییدن بد بوی هید کیله یاتگنی دن شبهه له نیب، محلی پلیس گه مراجعت ایتیشگن.

پلیس دوشنبه کونی ایرته لب مخصوص قیدیرو اویوشتیرگن و اولرنی اوییدن یاشگینه گودک نینگ باشینی تاپگن.

بونینگ آرتیدن قزیب تشلنگنمی یا یوقلیگی نی بیلیش اوچون محلی قبرستانده هم تیکشیریش ایشلری نی باشله گن.

پلیس نینگ بیلدیریشیچه، دستلبکی تیرگاو چاغیده محمد عارف علی گودکنی جسدینی تیلیملب، اوندن آوقت پیشیریشگه نیگه اقرار بولگن.

لیکن"آدمخور" محبوس همه عیب نی اوکه سی نینگ ذمه سیگه یوکله گن.

ایکه لاوی نینگ هم اویلنگن، باله- چقه لی بولیش گینه، اما میلادی 2011ییلده خاتین لری اولرنی تشلب کیتیشگنی ایتیله دی.

بی بی سی میلادی 2013 ییل آگست آییده محمد عارف علی بیلن صحبت له شیش گه موفق بولگن، اما اونینگ جواب لری پایین تر- سایین تربولگن.

بیراق محمد آرتیق"آدمخور لیک" قیلمسلیگی گه اوزی هم امید قیله یاتگن لیگی نی ایتگن