آواز نتیجه لری نینگ قریب 80 فایزی مرکزده آرشیف قیلیندی

افغانستان سیلاولر مستقل کمیسیونی قیته سنه لیشی کیره ک بولگن 500 محل رایلرینی سنش ایشی توگه گنینی ایتیب باشقه 1000 محل رایلری هم قیته کوریب چیقیله یاتگنینی اورغوله گن. بعضی بیر ولایت لرده تقلب یوزبیرگنی ایتیلگنی باعث رایلرنی ولایت لرده قیته سنش جریانی گه قرار آلینگن ایدی. شونینگ دیک افغانستان نینگ برچه ولایت لریدن 5972 را مرکزی نینگ نتیجه لری مرکزگه ییتیب کیلیب معلومات مرکزیگه کیریتیلیشی اوچون کوریب چیقیله یاتگن ایکن.

رایلرنی قیته سنش جریانی حمل آیی نینگ 24 سیده افغانستان نینگ 31 ولایتیده یولگه قوییلیب 500 محل آوازلری سنه لیشی بیلن نهایه تاپگن. وقیته کوریب چیقیش جریانی ایسه افغانستان نینگ 34 ولایتیده یولگه قوییلیب حاضرگه قدرهم دوام ایتیب کیلماقده. حاضرگه قدر بیش یوز محل رایلری قیته کوریب چیقیلگن. بوندن اساسی مقصد هم تقلب آوازلرنی حقیقی رایلردن اجره تیش دیر. خوب بو جریان قندی اصوللر اساسیده یولگه قوییلگن، بوخصوصده سیلاولر مستقل کمیسیون سوزچیسی نور محمد نور "انیق ایککی مورد اساسیده، هربیرمحلده التی یوزدن ارتیق رای فایده لنگن بولسه او محل رایلری قیته حساب لنه دی، بعضی محللرده نامزدلردن هربیری آواز آلگن. لیکن بیزگه ییتیب کیلگن نتیجه ورق لری معیاری بولمه گن ویاهم نامزدلر وکیللری ونظارت چیلرتمانیدن امضا قیلنمه گن، بو کبی محللر رایلری قیته کوریب چیقیله دی". دییدی نورجنابلری

عینی حالده افغانستان سیلاولر مستقل کمیسیون نینگ ایتیشچه سیلاو نتیجه لرینی قریب ییتمیش فایزی تیارله نیب آرشیف قیلینگن لیکن. معیارلرگه قره گنده آرشیف قیلینگن ییتمیش فایز رای نتیجه لری هم کوریب چیقیلیشی کیره ک.

جمهوررییس لیک سیلاو نینگ اون فایز حسابلنگن رای اساسیده قسمی نتیجه سی قریب بیر هفته آلدین اعلان ایتیلدی، سیلاو کمیسیونی حسابلنگن رای لر اساسیده ایککینچی قسم نیتجه سی نیچه کون جریانیده اعلان ایتیش وعده سی نی بیرگن ایدی. نور جنابلری قسمی نتیجه نینگ ایککینچی باسقیچی قچان اعلان ایتیلیشی باره سیده هیچ نرسه ایتمی بوحقده شوندی دیدی.

" سیلاو مستقل کمیسیونی قسمی نیتجه نینگ کتته رقمینی مطبوعات آرقه لی اعلان قیلماقچی، کمیسیون خادملری شدت بیلن ایشلب کیلماقده. شو هفته جریانیده بیز قسمی نتیجه نی اعلان قیلیشیمیز ممکن". دییدی سیلاومستقل کمیسیونی سوزچیسی نورمحمد نور

باشقه تماندن مستقل سیلاو کمیسیون نینگ بلخ ولایتیده گی مسوولی عزت الله ارمان اوشبو ولایت نینگ ایریم تومنلریده رای صندوقلری زورمند کیشی لرتمانیدن تولدیریلگنینی ایتگن.

"بو اچیق بیر خبر زاری تومنیده گی را مرکزلریدن بیری زومند شخصلر تمانیدن باغلندی، صندوقلر ایککی قوماندان تمانیدن تولدیریلدی. شولگره ، چار کینت، کشیندی تومنلریده زورمند شخصلر حتی ناظرلرنی هم حجره لرده قمه گن ایدی بیز تیکشریش نتیجه سی نی مرکزگه یوباردیک". دییدی ارمان جنابلری

قندهار ولایتیده رایلرنی قیته سنش جریانیده 99 مرکز آواز لری قرنطین قیلینگن لیکن بو قرار ایریم نامزدلرنینگ وکیللرینی شکایتی گه سبب بولگن.

سیلاونی بیرینچی نتیجه ثور آیی نینگ تورتینچی سی و نهایی نتیجه هم 24- سیده اعلان ایتیلیشی کوتیله دی.