قیصارده دوام ایته یاتگن اوروش ده اونلب عصیانچی وعادی اهالی اولیب یاره لنگن

فاریاب پولیسی گه کوره قیصار تومنیده یولگه قوییلگن عملیاتده طالبان گروهی دن 23 کیشی هلاک بولیب وباشقه 9کشی هم تن جراحتی آلگن. عین حالده بو ولایت پلیسی هلاک بولگن طالب لرایچیده ملا گلبدین، ملاسفر وملا گلستان ناملی قومندان لری هم بارلیگینی ایتماقده. فاریاب پلیس قوماندانی سوزچیسی سید مسعود یعقوبی طالبان گروهی نینگ کته قومندان لریدن بولمیش ملا جمعه هم اوشبو اوروش عاقبتیده تن جراحتی آلگن. عینی دمده قیصار تومنی نینگ حاکمی عبدالجمیل صدیقی طالبان گروهی دن 15 کیشی سی تینا ون 9کیشی سی هم بوگون هلاک بولگن لیگینی ایتماقده.

صدیقی جنابلری بوعملیات ده شاخ یشاوچی لریدن اون کیشی یره له نیب وباشقه بیرکیشی سی هم هلاک بولگن لیگی نی تصدیقله دی. تومن حاکمی گه کوره هلاک بولگن لرایچیده تشقی مملکت لرفقراسی بولگن طالب لرهم بولگن. صدیقی جنابلری اوروش ده ایکی پولیس هلاک بولیب، و باشقه ایکی اردو همده ایکی محلی پولیس قتیق یره لنگن لیگینی هم ایتماقده.

بوحربی عملیات فاریاب ولایتی گه قرشلی قیصار تومنی نینگ شاخ ناملی قیشلاغیده ملی اردو ملی پولیس و محلی پولیس کوچلری تمانیدن اوتکزیلماقده.

حاکمی نینگ ایتشیچه تازه لش عملیاتی تیناون ایرته ساعت 7گه باشلنگن.

حاکم نیگه دولت قیصار تومنی نینگ امنیتی نی تامینلش ده جدی چاره تدبیر کورمیدی دیگن سوراققه، قیصار تومنی استراتیژیک منطقه بولگن لیگینی اورغولب، قیصار تومنی بیلن قوشنی بولگن المار همده غورماچ تومنلری ناتینچ لیگی سبب بومنطقه امنیتی نی تامینلش اوته قیین بولگن دیدی

حاکم بوحقده افغان مدافعه همده ایچکی ایشلروزیرلیک لریگه کینگ راق عملیات لراوتکزیلیشی خصوصیده صحبت قیلگن لیک لرینی معلوم قیله دی

قیصار حاکمی عملیات هلی هم دوامی بارلیگی نی اوغولب، بیرنیچه هفته آلدین طالبان قولیگه اوتکن شاخ منطقه سی نینگ کته قسمی دولت قولیگه توشگن لیگینی ایتماقده

قیصار تومنی اوتگن نیچه آی جریانیده قطار ناقرارلیک لرگه گواه بولیب کیلماقده. بوندن آلدین هم بیرنیچه قتله شاخ و هزاره قلعه منطقه لری طالبان نظارتی گه اوتگن ایدی.

دولت کوچلری عملیات لرنی یولگه تشله گن دن سونگ منطقه دن قیتیب کیلیشی لری باعث طالبان گروهی منطقه گه قیته قیتیب کیله دیلر. طالبان گروهی نینگ سوزچیسی قاری یوسف احمدی رسانه لرگه دولت کوچلری نینگ قیصارتومنی ده گی حربی عملیاتی ده ملی اردو قومندانلریدن حاجی محمد ومحلی پولیس قومندانلریدن رستم قومندان بیش کیشی عسکری بیلن هلاک بولگن دیب ادعا قیلگن. دولت رسمی لری اوشبو ادعالرنی رد ایتماقده.