سیلاونینگ قریب ایللیک فایز نتیجه سی اعلان ایتیلدی

افغانستان سیلاولر مستقل کمیسیونی جمهور رئیسلیک سیلاو نتیجه لریدن 49.67فایزینی اعلان قیلدی. شونگه اساسله نیب عبدالله عبدالله 44.4فایز بیرینچی واشرف غنی احمدزی33.2فایز ایکینچی اورینده تورگن. کمیسیون بو آوازلرحقیقی آوازبولگنی نی معلوم قیلگن.

بوگون افغانستان سیلاولرمستقل کمیسیونی سیلاونتیجه لری نینگ ایکینچی قسمی نی اعلان ایتدی. بونده عبدالله عبدالله بیرینچی واشرف غنی احمد زی ایکنیچی اورین ده تورگن.

سیلاولرمستقل کمیسیونی یولگه قویگن مطبوعات انجمنی ده مملکت بویلب نامزدلرگه بیریلگن آوازلردن قریب 50فایز آواز نتیجه سی نی اعلان ایتدی.

افغانستان سیلاولر مستقل کمیسیونی باشلیغی یوسف نورستانی بوگلگی اعلان ایتیلگن سیلاونینگ قسمی نتیجه لریده گی آوازلرسانی 345691بولگنی نی معلوم قیلدی. "داکتر عبدالله نینگ آوازی 2536133 آواز بولیب 44.4فایز بیرینچی اورینده توره دی، داکتر اشراف غنی آوازی 1146251 آواز آلیش بیلن 32.2فایز آلیب ایکینچی اورین نی ایگلله دی، داکتر زلمی رسول 357930آواز آلیش بیلن 10.4 فایزیعنی اوچینچی اورین نی آلگن وعبدالرب الرسول سیاف هم 241014آواز آلیش بیلن 7فایزقولگه کیلتیریب توریتنچی مقام نی آلگن". دییدی نورستانی جنابلری

شونینگ دیک نامزدلردن انجنیر قطب الدین هلال 94556آواز آلیب 2.7فایز، محمد شفیق گل آقا شیرزی 55786 قولگه کیلتیریب 1.6فایز، داودسلطان زوی جنابلری 16908 آواز آلیب 0.5فایز و هدایت امین ارسلا 8368 آواز آلیش بیلن 0.2فایزآلیشگن.

عین حالده سیلاولر مستقل کمیسیونی مسووللری اعلان ایتیلگن بو آوازلر حقیقی آوازلربولیب بولیب ساخته آوازلردن اجره تیلگنیدن خبر بیردی.

شونینگ دیک بو کمیسیون مسووللری سیلاونتیجه لری نینگ دستلبکی نتیجه لری اعلان ایتیلیشیدن آلدین، آوازلردن بیرقسمی ینه اعلان ایتیلیشی نی معلوم قیلدی.

ولایت لردن سنلگن بوآوازلر 20فایزدن توتیب 70فایزآوازنی تشکیل بیره دی.

بوگونگی قسمی نتیجه اعلان ایتیلیشی بیلن بیرینچی اورینده تورگن داکترعبدالله عبدالله رسانه لرگه بوخصوصده اوز مناسبتی نی بیلدیردی.

اواگر سیلاوده موفق بولگن تقدیرده ملکه لی کیشی لرنی هم قدرت گه شریک قیلیب ملی بیرلیک نی تامین له نیشی اوچون اعتباربیریشی باره سیده سوزبیردی.

شونینگ دیک اشرف غنی احمد زی رسانه لردن بیریده سیلاوده یوزبیرگن قلابلیک لرباره سیده تشویش بیلدیریب تیگیشلی اداره لرتمانیدن جدی تیکشیریلیشی نی طلب قیلدی.

بوندن نیچه کون آلدین افغانستان سیلاولر مستقل کمیسیونی جمهور رئیس لیک سیلاو آواز لری نینگ 10 فایزینی اعلام قیلگن ایدی.

اعلام ایتلگن حسابگه کوره، اینگ کوپ آوازنی عبدالله عبدالله اوندن کیین ایسه اشرف غنی احمدزی لر قولگه کیریتگن ایدی..

اعلان ایتیلگن بو 10 فیصد رای دن عبدالله عبدالله 41.9 فیصد و اشرف غنی احمدزی ایسه 37.6 فیصد آوازنی قولگه کیریتیشگه قادر بولگن ایدی.

عینی حسابلراساسیده، زلمی رسول 9.8 فیصد و عبدالرب رسول سیاف ایسه 5.1 فیصد آوازنی قولگه کیریتیشگه قادر بولگنلر.

بو نتیجه لر 26 ولایتده بیرلگن 500 مینگ آواز اساسیده اعلان ایتیلگن ایدی.

بدخشان، بغلان، غور، نورستان، دایکندی، پکتیکا، وردک ،غزنی و بلخ ولایتی نینگ آوازلری حاضرگچه اعلام بولمه گن.

سیلاو کمیسیونی مسووللری تمانیدن بو نتیجه لر شکایت لرنینگ تیکشیریلیشی آرتیدن اوزگریشی ممکن لیگی ایتیلگن ایدی.