ایرانده آلتی نفر تخارلیک اعدام قیلینگن

Image copyright Getty
Image caption تخار ولایتی مسووللری، ایران حکومتی اوتگن آلتی افغانستانلیک نی اعدام قیلگنی نی ایتگن.

تخار ولایتی مسووللری، ایران حکومتی اوتگن آلتی افغانستانلیک نی اعدام قیلگنی نی ایتگن.

تخار حاکمی سوزچیسی سنت الله تیمورگه کوره، بو آلتی نفر ولایت اهالیسی دن بولیب، بوندن آلدین ایرانده مردکارچیلیک قیلشرایکن.

اونینگ ایتیشیچه، بولردن ایکیته سی ولایت نینگ کلفگان تومنی یشاوچیلریدن بولیب، اولرنینگ جسدلری اوتگن کون ایرانده گی یقینلریگه تاپشیریلیب، اوییرده دفن قیلینگن.

تیمورشونینگدیک، ایران ده گی بیرقطار مهاجرلر اولرگه بو حادثه لر حقیده معلومات بیریشگن و مهاجرلرنینگ اعدام حکم قیلینه یاتگنی دن تشویش بیلدیره یاتگنلیکلرینی معلوم قیلگن.

تخار مهاجرلریدن بیری اعدام قیلینگن لردن تورته سی کلفگان اهالیسیدن ایکنی نی ایتگن. اونگه کوره، اولرنینگ جسدلری هنوزگچه یقینلریگه تاپشیریلمه گن. او حکومت نی مهاجرلرنی حمایه قیلمه یاتگنلیگی باره سیده عیبله ماقده.

افغانستان مهاجرلر و تشقی ایشلروزیرلیکلری بو باره سیده فکر بیلدیریشمه گن. بوندن ایکی ییل آلدین تخار ولایتی اهالیسیدن 20 ته سی ایران ده اعدام ایتیلگندی.