BBC navigation

«قوشنی اوزبیکستان وتورکمنستان دن هم یاردم سوره یمیز»

Сўнгги янгиланиш 30 апрел 2014 - 10:09 GMT
  • قوشنی افغانستان نینگ پنجشنبه تونگی هلاکتلی سووتاشقینلریدن جدی جبرکورگن واوزبیکلر زیچ یشاووچی قطار شمالی ولایتلری مسوللری بی بی سی اوزبیک خذمتی بیلن صحبتلریده انه شونده ی نیتده ایکنلیکلرینی بیلدیریشدی.

  • کوتیلمه گن طبیعی آفت پنجشنبه دن جمعه گه اوترکیچه سی افغانستان شمالی وشمالی غربینی اوزضبطی گه آلگن همده جدی تلفات سبب بولگندی.

  • جله یو دول بیرگه یاپیریلگن سوو تاشقینلریدن افغانستان نینگ، اینیقسه، اوزبیکستان نینگ شونداق بیقینیده گی شمالی جوزجان، سرپل وفاریاب ولایتلری اینگ کوپ زیان چیقیشگن.

  • بی بی سی اوزبیک خذمتی جبرکورگن منطقه دن آلیشگه موفق بولگن اینگ سونگگی معلوماتلرگه تنیقلیسی، هلاکتلی طبیعی آفتدن بیش کون اوتیب، غربی بادغیس ده گی بیلن قوشیب حسابلنه دی، قربانلرنینگ جمعی سانی ایککی یوزگه یقینلشگن.

  • جوزجان وسرپل ده ایسه، هلی یم قیرققه یقین کیشی نینگ درگی یوق وهنوز سوو لایلر آره سیدن اولرنی قیدیریش ایشلری دوام ایتماقده.

  • سونگگی طبیعی آفتدن اینگ کوپ جبرکورگن جوزجان ولایتی حاکمی بایمراد قوینلی نینگ بیزبیلن بولگن صحبتیده ایتیشیچه، دوامی یاردمگه احتیاجلری باروالله قچان کمک سوره ب قوشنی تورکمنستان گه هم مراجعت قیلیشگن.

  • هلاکتلی سوو تاشقینلری بوتورت ولایتده جدی انسانی تلفاتلرگه سبب بولیشدن تشقری، مینگلب اویلرنی هم بوتکل ویران قیلگن.

  • اون مینگلب آدملر باش پناه سیز، بار- بودلریدن ایریلیب قالیشگن.

    برق تامیناتی نی ایزدن چیقارگن، یوزلب چقیریم اویلرنی یوویب کیتگن.

  • اگر، اوزی هم سرپل لیک بولگن افغانستان پارلمانی وکیلی سیدانورسادات نینگ سوزلریگه تیه نیلسه، اویلرنی سوو بوتکل یوویب کیتگن باعث، آره دن شونچه کون اوتیب هم، قطارجبردیده تومنلرگه دییرلی یاردم ایتکزیلمه گن.

  • تاجرلر، کونگلی لرومرکزی حکومت تامانیدن امکان قدرایتکیزیله یاتگن یاردملرگه قره مه ی، همان دله دشتده، بیرپرچه چادر آستیده باش پناه تاپیب تورگنلری هم آزایمس.

  • اوزاورنیده ایسله تیب اوتیش جایز، افغانستان ریس جمهوری حامد کرزی شنبه کونی برچه مسول اداره لردن طبیعی آفت جبردیده لریگه زودلیک بیلن یاردم بیریشلرینی سوره گن ووضعیتدن یقیندن اورگه نیش اوچون منطقه گه اوزمعاونینی هم یوبارگندی.

  • ایریم صحبتداشلریمیزگه کوره، بهار موسومیده افغانستان نینگ شمالی وشمالی شرقی منطقه لری تیز- تیز سووتاشقینلریگه صحنه بولیب تورسه هم، اولرنینگ یولینی توسیش یولیده حکومت تامانیدن بیراربیرجدی عملی چاره گه قول اوریلمه گن.

  • طبیعی آفتده انچه ین جدی زیان کورگن شمالی فاریاب ولایت لیک مسوللریگه کوره ایسه، هلی یم اینگ عادی چادرلرگه احتیاجلری بار.

    سووتاشقینلری بوییرده هم مینگلب اویلرنی یوویب کیتگن، باغ – راغ ایکین زارلرنی بوتکل ویران قیلگن، چارواماللرینی نابود قیلگن، کتته سانده گی آدملرهیچ نرسه سیزقالیشگن.

    مسوللراولرنی امکان قدرخوفسیزراق ییرلرده گی مکتب ومسجدلرگه جایلشتیریشگه حرکت قیلیشه یاتگنینی ایتیشه دی.

  • سونگگی طبیعی آفت نتیجه سیده ایتکیزیلگن مادی تلفات نینگ مقداری ایسه، اون ملیونلب افغانی ایکنی تخمین ایتیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.