جوزجانده آته ایکی آیلیک فرزندینی قودوققه تشلب یوباردی

Image copyright bbc uzbek

جوزجان ولایتی آقچه تومنی نینگ بیرینچی ناحیه سیده استقامت قیلاوچی شخصلردن بیری اوزی نینگ ایکی آیلیک چقه لاغینی قودوققه تشلب اولدیردی.

بو حادثه بوندن ایکی کون مقدم عملگه آشیریلگن، اما پولیس بوگون موضوع دن خبردار بولیب، عیبدارنی حبسگه آلگن.

چقه لاغینی قودوققه تشلب اولدیرگن شخص اوز گناهینی تن آلیب، باله سینی کوپ ییغله گنی باعث، قودوققه تشلب یوبارگنی نی ایتگن.

ایتیلیشیچه، مذکور شخص مخدرماده لرگه بیریلگن بولیب، اختیارسیز بونده ی عملگه قول اورگن.

پولیس اونی بو عملی یوزه سیدن ایکی آی قماق جزاسیگه حکم قیلگن.

جوزجانده سونگی ییللر قیزلرنینگ اوز جانی گه قصد قیلیش حاللری کوپه یگن. اما ایلک بار دیر که بو ولایتده آته چقه لاغینی شفقتسیزلیک بیلن اولدیرماقده.

بعضی روح شناس عالملر گه کوره، آدملرنینگ مخدرماده لرگه بیریله یاتگنی و کمبغللیک معمالر، شونده ی ناخوش عاقبتلرنینگ پیدا بولیشیگه سبب بوله دی.

سونگی ییللر افغانستان ده آدملرنینگ خاتین ـ فرزندیگه قصد قیلیش و نادارلیک سبب باله لرنی پولگه ساتیش حاللری کوپراق کوزه تیله یاتگنی ایتیله دی.