کابل شرقیده حربی واسطه گه یاپشتیریلگن ماین پارتله دی

افغانستان ایچکی ایشلروزیرلیگی بوپارتلش یوزبیرگنینی تصدیقلب بونده بیرکیشی هلاک بولیب وباشقه ایکی کیشی هم یره لنگنی نی معلوم قیلگن.

بو وزیرلیک سوزچیسی نجیب دانش بو ماین امنیتی کوچلرنینگ حربی نقلیه واسطه سی گه جایلشتیریلگن وبو حادثه کابل شهری نینگ کارته نو محله سیده روی بیرگن.

دانش جنابلری نینگ معلوم قیلیشچه اوشبو پارتلشده بو نقلیه واسطه نینگ بیر هیداوچی سی هلاک بولیب وبونده مینیلگن ایکی کیشی هم یره لنگن.

کابل شرقیده گی بوگونگی پارتلش مسوولیتی نی طالبان گروهی اوز ذمه سیگه آلگن.

ایچکی ایشلر وزیرلیگی سوزچیسی سونگی وقت لرده بو تور ماین لردن کوپ راق فایده لنه یاتگن لیگی نی تاکیدله دی.

اونگه کوره امنیتی کوچلر یاپیشتیریله دیگن اونلب ماین اورنه تیش حاللرینی کشف وبیکار قیلگن لر.

ایچکی ایشلروزیرلیگی سوزچیسی نینگ تاکیدلشیچه افغان امنیتی کوچلری عصیانچی لرتمانیدن اورنه تیله دیگن ماین لرنی آلدینی الیش اوچون سعی وحرکت قیلیب کیلماقده.

او دولت خادم لری واهالی دن نقلیه واسطه لرینی پارک قیلیشیده دقت قیلیش لرینی سوره دی.

طالبان گروهی مملکتده تینچ لیک نی بوزیش اوچون بهارموسومیده گی عملیات لرینی شدت بیلن باشله گن لر. بو گروه سونگی کونلرده مملکت نینگ تورلی ولایت لریده هجوم قیلگن لری کوزه تیلماقده.

امنیتی کوچلرگه کوره بو عملیات لرده طالبان گروهی آغیر تلفات بیریب اوز مقصدلری گه قول تاپمه گن.