تخارده یوزبیرگن پارتلش ده بیر کیشی هلاک و اون بیر کیشی یره لندی

Image copyright BBC World Service

محلی رسمیلرگه کوره، تخار ولایتی نینگ خواجه بهاوالدین تومنیده موتر سایکل گه جایلشتیریلگن پارتلاوچی ماده پارتلشی نتیجه بیر تینچ فقرا هلاک بولیب چیگره قوریقچی پلیس ضابط لریدن بیری داخل اون بیر کیشی یره لنگن.

محلی رسمیلرنینگ ایتیشلریچه،اوشبو پارتلش پلیس موتری اوته یاتگن بیر پیت یوزبیریب پارتلش دن مقصد هم پلیس موتری بولگن.

تخار ولایتی نینگ ولایت حاکمی سوزچیسی سنت الله تیمور بی بی سی بیلن بولگن صحبتیده، یره لنگن شخصلر کسلخانه گه انتقال بیریلگنینی ایتیب ایریملری نینگ احوالی آغیر بولگنلیگینی تیلگه آلدی.

او شونینگدیک حادثه نی طالبان عصیانچیلریگه نسبت بیردی، اما طالبان قوراللی لری حاضرگه قدرهم بوخصوصده هیچ قندی مناسبت بیلدیرمه گن.

بوندن بیرنیچه کون آلدین تخار ولایتی نینگ خواجه بهاوالدین درقد و روستاق تومنلریده طالبان و افغان امنیتی کوچلری اره سیده قتیق توقنه شوولر یوزبیریب کمیده یتتی قوراللی طالب هلاک بولدی. همده ایککی پلیس ضابطی هم هلاک بولگنی خبرقیلینگن ایدی.

طالبان نینگ تورت محلی قوماندانی هم توقنه شوولر جریانیده قولگه آلینگنی تصدیق لندی.