ولایتی کینگش سیلاو نتیجه لری اعلان قیلیندی

Image copyright afp

افغانستان سیلاولرکمیسیونی ولایتی کینگش سیلاوی نینگ دستلبکی نتیجه لرینی اعلام قیلدی. ولایتی کینگش سیلاوی اوچون قریب اوچ مینگ کیشی اوزلرینی نامزد ایتگن ایدی.بو کمیسیون سوزچیسی نور محمد نورگه کوره دستلبکی نتیجه لر اوشبو کمیسیون نینگ ویب صحیفه سیده قوییلگن.

ولایتی کنیگش سیلاوی جمهوررئیس لیک سیلاو بیلن حمل آیی نینگ 16- سیده بولیب اوتدی. کمیسیون تقویمی اساسیده ولایتی کنیگاش سیلاو نتیجه لری ثور آیی نینگ 27 – سیده اعلان ایتیلیشی کیره ک ایدی، اوچ کون کیچیکتیریلیشی بیلن بوگون اعلان ایتیلدی.

ولایتی کینگش سیلاو نامزدلری نینگ نهایی رویخطی ده 2713 نفر اعلان ایتیلدی بو جمله دن 308 نفری عیاللر ایدی.

دستلبکی نتیجه لرده 458 کیشی ولایتی کینگش اعضالری صفتیده موفقیت قازاندی، بو جمله دن 96 نفری عیال بولگن.

حمل آیی نینگ 16- سیده بولیب اوتگن سیلاولرده قریب ییتتی میلیون نفر آواز بیریشدی.

ولایتی کینگاش نامزدلریگه شکایت قیلیش اوچون 24 ساعت وقت بیریلگن.

شکایت لرنی تیکشیروچی کمیسیون سوزچیسی نادر محسنی شکایت لر علنی تیکشیریلیشی ممکن لیگینی ایتدی.

ولایتی کینگش سیلاو نینگ نهایی نتیجه لری جوزا آیی نینگ 17- سیده اعلان ایتیلیشی کوتیله دی.