فاریابده یوزبیرگن پارتلش ده بیر کیشی اولیب یتتی کیشی یره لندی

Image copyright bbcuzbek

فاریاب ولایتی نینگ مقاملریگه کوره، اوشبو ولایت نینگ پشتونکوت تومنی تخته بازار قیشلاغیده یوزبیرگن ماین پارتلشی عاقبتیده بیرعیال اولیب و یتتی کیشی یره لنگن. یره لنگن لرهم تینچ فقرا بولگنی ایتیلماقده.

اوشبو پارتلش بوگون محلی وقت ساعت اون یریم اطرافیده روی بیرگن.

فاریاب ولایتی نینگ پلیس اداره سی سوزچیسی سید مقصود یعقوبی بی بی سی بیلن بولگن صحبتیده پارتلش یوزبیرگن تخته بازار محلی ناتینچ بولگنینی اورغولب مذکور پارتلش دن مقصد کیم بولگنی معلوم ایمس لیگینی ایتگن.

حاضرگه قدر اوشبو پارتلش مسوولیتی نی هیچ بیر گروه یاش شخص اوز ذمه سیگه آلمه گن، لیکن افغان حکومتی شوندی حادثه لرنی کوپراق طالبان قوراللی لریگه نسبت بیره دی.