ناقانونی پوللرنینگ یوویلیشی آلدی آلینیش قانون لایحه سی پارلمان گه یوباریلدی

Image copyright da afghanistan bank

ناقانونی پوللرنینگ یوویلیشی آلدی آلینیشی قانونینی سککیز فصل و 48 بند دن عبارت. خلق ارا ناقانونی پوللرنی یویشینی نظارت ایتووچی تشکیلات بو قانوننی تصدیقلش اوچون افغانستان حکومتیگه آلتی کون مهلت بیرگن.

افغانستانده خصوصی شکلده فعالیت آلیب باره یاتگن ایریم بانکلر بو قانون نینگ تصدیق لنمه گنی اوچون چین دولتی افغانستان بانکلری بیلن دالر المشتیریش جریانی نی توخته تیب قویینی باره سیده خبربیرگن.

مرکزی بانک ایسه قانون زودلیک بیلن تصدیق لنمه سه، افغانستان ناقانونی پوللر یویشنی نظارت ایتیش خلق ارا تشکیلات قره رویخط گه کیریتیلشیدن تشویش بیلدیرگن.

چین نینگ افغانستان بانکیلری بیلن دالر معمالرینی کیسیب قویشیدن بیش کون اوترایکن، بو ایسه افغان تاجرلری نینگ معمالرگه روپه ره بوله یاتگنی گه سبب بولگن. افغان تاجرلری چین دولتی نینگ بوقراریدن سونگ، تجاری معمامله لرینی چین پولی آرقه لی حل قیلیشگه مجبور بولگن.

افغانستان تجارت اتاقی اورین باسری خان جان الکوزی شوسبب قیمت لر کوته ریلیب کیته یاگنیدن تشویش بیلدیردی.

ناقانونی پوللریویشینی نظارت قیلیش (FATF)fسازمانی جاری میلادی ییل نینگ جون آی گه قدر افغانستان حکومتی گه مهلت بیرگن، بو مدت جریانیده تروریستی گروه لر گه تیگیشلی ناقانونی پوللری نینگ یویشینی الدینی آلیش اوچون قانون تصدیق لنیشی کیرک".

افغانستان تجارت وزیرلیگی سوزچیسی مسافر قوقندی، چین دولتی دن تشقری باشقه مملکت لرهم قانون تصدیق لنمه سه تجاری معامله لری نی توخته تیب قوییشی بیلن آگاه لنتیرگنینی ایته دی.

افغانستان مالیه وزیرلیگی اورین باسری یوسف فهیمی بوگون پارلمان یغینده حضور تاپیب ناقانونی پوللر یولیشینی الدینی الیش خصوصیده گی قانون لایحه سی باره سیده شوندی معلومات بیردی:"قانونده کیریتیلگن بندن لردن بیری شو کی مجازی بانکلر فعالیتی منع ایتیلگن، آلدینکی قانونده بو بند یوق ایدی، شونینگ دیک بانک لر علاقه لری گه هم چیکلاو لر کیرتیلگن. الدینکی قانون دن چیقه ریلگن بندلر بو ینگی قانونگه کیریتیلگن.بازارگه کیرگن ناقانونی پوللرنی قیته ریش اوچون عدلی همکارلیک لر وقنچه پول انتقال بیریش مساله لر بو ینگی قانون لایحه سیده موجود."

افغانستان اولوسی جرگه وکیللریدن داکتر عنایت الله بابر فرهمند ناقانونی پوللریوویشینی الدینی الیش خصوصیده گی قانون لایحه سی بوگون پارلمان گه یوباریلگنینی تیلگه آلیب یقین زمانده پارلمان تامانیدن تصدیقله نیشیگه امید بیلدیردی.

افغانستان حکومتی، ناقانونی پوللر یویشینی نظارت قیلیش تشکیلات قطع نامه سیگه امضا قوییگن. بو تشکیلات قطع نامه سینی امضاله گن هر بیر مملکت ایسه اوشبو تشکیلات معیارلریگه ماس پولی معامله لرینی عملگه آشیریشگه مجبور.