" تیلفونی علاقه لر ایشیتیلگنی اثبات لنسه جدی مناسبت بیلدیره میز"

Image copyright Reuters

افغانستان مخابرات وزیرلیگی، افغانلر نینگ تیلفونی علاقه لری امریکا تامانیدن تینگلنگنی انیق لنسه ایککی اولکه اره سیده گی علاقه لرنی قیته کوریب چیقیشلیشی نی افغانستان امنیت شوراسی گه تکلیف قیلیشینی معلوم قیلدی.

بو وزیرلیک رسمیلری حاضرگه قدرهم تیلفونی علاقه لرنی تینگلش اوچون قندی دیر اثبات یوق لیگینی تاکیدلب بیراق امریکا شوندی امکانیت گه قولی تاپیشگه ایگه ایکنلیگیدن خواطر بیلدیردی،اما فاش ایتوچی ویکی لیکس ویب سایت مدیری جولیان آسانژ افغانلر تیلفونی علاقه لری امریکا تامانیدن ایشیتیلگنینی اورغولب، امریکا طلبی اساسیده واشنتگن پست وانترسپت حسابات لریده افغانستان اسمی ذکر ایتیلمه گن دیب بیانات چیقرگن.

ویکی لیکس سایت مدیری واشنگتن پست و انترسپت روزنامه لریده گی حساباتده افغانستان اسمی چیقه ریلگنی نی سانسور دیه توصیف له گن، همده بوندی حرکت لر مهم لیگی ایتیلیب بیر مملکت نینگ تقدیرینی سوال استیده قویه دیب فکر بیلدیرگن.

امریکا ملی خوف سیزلیک اداره سی خادمی ادوارد اسنودن افشاگرلیک لری آرتیدن بومعلوماتی اداره تمانیدن رسانه لرگه کینگ بیرشکلده تورلی جاسوسلیک خبرلری چیقیشیگه یول آچگن.

جولیان آسانژنینگ یازیشیچه افغانستان مملکتی گه اوخشه کن کینگ ایشیتیلگن تیلفونی صحبتلرامریکا نینگ اوچووچی سیز هواکوچلری نینگ آلیب بارگن عملیاتلری نینگ بیرقسمی بولگن.

افغانستان مخابرات وزیرلیگی سوزچیسی نصرت رحیمی جنابلری بوخصوصده ینه هم تحقیقات آلیب باریلیشینی تاکیدلب امریکا تامانیدن افغانلرنینگ تیلفونی علاقه لری ایشیتیلگنی اثبات لنسه ایککی مملکت اره سیده گی دیپلماتیک علاقه لر کوریب چیقیلیشی کیره ک لیگینیی اورغوله دی:"امریکا افغانلرنینگ تیلفونی علاقه لرینی تینگله گنی اثبات لنسه بیز جدی مناسبت بیلدیره میز همده ایککی دولت اره سیده گی دیپلماتیک علاقه لرنی کوریب چیقیلیشینی افغانستان امنیت کینگاشی و وزیرلرشوراسیدن طلب قیلیشی میز ممکن."

بوندن اوچ آی آلدین هم افغان مقاملری نینگ تیلفونی علاقه لری امریکا دولتی تامانیدن ایشیتیلیشی باره سیده خبر لر ترقه تیلگن ایدی شو اساسده افغانستان مخابرات وزیرلیگی بیر تحقیقات اوتکزدی. مخابرات وزیری امیرزی سنگین تحقیقات نتیجه سیده تیلفونی علاقه لر ایشیتیلگنی باره سیده حجت تاپیلمه گنینی ایتگن ایدی.

بیر ییل الیدن هم سعودی عربستان نینگ عرب نیوزدیب ناملنگن کونده لیگی امریکا ملی امنیت اداره سی تاماندن افغانستاندن 22میلیارد گه یقین تیلفونی صحبت تینگلنگنی باره سیده گزارش بیرگن ایدی.