مدافعه وزیرلیگی: جمهوررییس پاکستان هجوملریگه قرشی قرار صادر ایتیشینی ایتدی

مدافعه وزیری بسم الله محمدی پاکستان نینگ هجوملریگه قرشي جواب بیریش اوچون تیاگرلیک آلینگنینی تیلگه آلدی. اونگه کوره، پاکستان نینگ راکتی هجوملری دوام ایتسه جمهور رییس کرزی بوبارده قرار صادر ایتیشی ممکن.

پاکستان توپراغی آرقه لی کنر ولایتی نینگ ایریم حدودلری راکت و هوا دن هجوم بيلن نشانگه آلینه یاتگنی، افغانستان امنیتی مقاملری نينگ پارلمان گه چقیریليشيگه سبب بولگن.

جواب گرلیک اوچون اولوسی جرگه نینگ عمومی یغینيگه چیقیریلگن اوچ یوقاری مرتبه لی امنیتی مقام، ملت وکیللری نینگ قتیق سوال و تنقید لری بیلن دوچ کیلدی.

ملت وکیللريدن اکثریتی پاکستان نینگ راکتی هجوملری الدی الینيشي اوچون حکومت اینيقسه جمهور ریسی کرزینی جدی اعتبار قره تمه یاتگنلیکده عیبلب چیقدی.

شونده ی عیبلاو بیلن چیققن ملت وکیلرلریدن بیری:"مدافعه وزیری، ایچکی ایشلر وملی امنیت اورین باسرلریدن شوندی سوال قیلماقچی من کی اولکه ني مدافعه ایتیش اوچون جمهور رییس کرزی سیزگه بيرار بير دستور بیردی می یوق مي؟ دستور بیرگن بولسه، سیز لر نیمه قیلدیلرینگیزلر؟. کرزی جنابلری هیچ قندی فکر بیلدیرگن بولمه سه، ملت وکیللریگه جمهوررییس کرزی افغانستان ني مدافعه ایتیش اوچون بیزگه هیچ قندی بویوروق بیرمه گن دیب جواب بیرینگ".

افغانستان مدافعه وزیری بسم الله محمدی، پاکستان نینگ راکتی هجوملری هلی هم دوام ایتیب کیله یاتگنینی تیلگه آلیب جمهورریسی کرزی نینگ مناسبتی بوخصوصده نیمه بولگنینی قوییده گی چه بیان ایتدی:"بیزنینگ هجوم قیلیش، قیلمسلیگی میز خصوصیده قرار آلیش، اساسی قانونده آچیق قيد ایتیلگن،افغانستان جمهورریسی حامدکرزی مین پاکستان باش وزیری بیلن صحبت لشدیم، سین هم لويدرستیز بیلن بو مساله نی اورته گه قویدینگ دیب ایتدی، همده جناب کرزی پاکستان نينگ راکت هجوملری ینه هم دوام ايتديريلسه، امنیتی کوچلر فوق العاده توريش سين، مين پاکستان نينگ بو هچوملریگه مقرشي جواب بیریش قرارینی صادر قيله من ديدي".

عین حالده محمدی جنابلری جمهورریس کرزی پاکستاننی راکتی هجوملری باره سیده ناتو نینگ عمومی قوماندانی یبلن هم صحبت قیلگنینی ایتدی.

لیکن مدافعه زیری نینگ بیرگن جواب لری ملت وکیللرینی قانیقتیره آلمی اولرنینگ جدی مناسبت لریگه سبب بولدی.

ملت وکیللریدن بیری چیگره قوریقچی پلیس کوچلری سانی ازلیگی و زمانه وی قوراللر بیلن جهازلنمه گنی پاکستان نینگ راکتی هجوملرینی دوام تارتیب کیلیشگه اساسی دلیل بولگنینی تیلگه آلدی.

افغانستان ایچکی ایشلروزیرلیگی اورین باسری ایوب سالنگی هم تکلیف بیلن چیقدی:

"افغانستان چیگره كوچلري نینگ جهازلنتیریش معماسینی حل قیلیش لازم. بو کوچلر مدافعه وزیرلیگی و یا پلیس گه تیگیشلی بولسه، اگر پلیس نينگ وظیفه سی بولسه ،چیگره لرنی یخشی محافظه ایتیش اوچون باشقه 13 مینگ پلیس گه ضرورتیمیز بارلیگینی تکلیف قیلگن میز، بو تکلیف ایسه افغانستان خوفسيزليك كينگشيگه یوباریلگن".

شونینگ دیک عمومی جلسه گه چقیریلگن بو اوچ امنیتی مقام سیلاو امنیتی نی بوزیش اوچون طالبان عصیانچیلریگه ایزین بیریلمسگیگه ایشانچ بیلدیردیلر.