امریکا ایلچیسی: آزاد ایتیلگن طالبان خوف سیزلیککه تهدیدبوله آلمیدی

امریکا نینگ افغانستانده گی ایلچیسی آزاد ایتیلگن بیش طالب رهبری افغانلروامریکا لیکلر خوف سیزلیگینی تهدید آستیگه قوییه آلمسلیگینی ایتدی. طالبان گروهی نینگ بو بیش رهبری امریکا لیک بیر عسکر عوضیگه ایکی کون آلدین آزاد ایتیلگن ایدی.

امریکا ایلچیسی جیمز کنینگم بو محبوسلرنی افغان حکومتی گه تاپشریش اوچون قندی دیر بیتم موجود بولمه گنینی ایتیب بیراق افغانستان حکومتی موضوع دن اگاه ایکن لیگینی تیلگه آلدی.

امریکا نینگ افغانستانده گی ایلچیسی قریب قیرق دقیقه دوام ایتگن بومطبوعات انجمنیده کوپراق امریکالیک عسکرنینگ قوییب یوباریش عوضیگه طالبان بیش رهبری ازاد ایتیلگنی باره سیده صحبت قیلدی. بو شخصلر قوییب یوباریلیشی افغانستان حکومتی و امریکاسیاستچیلرینی خواطریگه سبب بولدی.

جناب جیمزکنینگم گوانتانامو قماقخانه سیدن آزاد ایتیلگن طالبان نینگ بو بیش تنقیلی نفری نظارت آستیگه بولگنینی تیلگه آلیب امنیت اوچون تهدید ایمس لیگینی اورغوله دی.

عینی حالده او، طالبان نینگ بو محبوس لری فقط امریکا لیک عسکر آزاد ایتیلیشی اوچون قطر حکومتی نینگ واسطه چیلیگی بیلن آزاد ایتیلگنینی ایتدی:" بوالمشتیریش عملگه آشیش اوچون مذاکره لرنینگ قطر حکومتی بیلن اوزاق مدت دن بیری دوامی باری. بیز قطر حکومتی نینگ همکارلیگیدن منتدارمیز آزاد ایتیلگن طالبان رهبرلری تولیق نظارت آستیگه اولر بیزنینگ منفعت لریمیزو وطنداشلریمیز اوچون خوف توغدیره المیدی بونگه ایشانچ بیلدیره میز."

بوندن بیرکون آلدین افغانستان حکومتی افغان وطنداشلری نینگ اوچینچی بیر مملکت گه تاپشیریش قانونگه قرشی بولگنینی ایتگن ایدی. همده تشقی ایشلر وزیرلیگی بوخصوصده تولیق معلومات بیریش اوچون امریکا ایلچی خانه سیگه مکتوب هم یوله دی.

اما امریکا نینگ یوقاری مرتبه لی دیپلماتی طالبان رهبرلرینی افغان حکومتیگه تاپشیریش اوچون هیچ قندی کیلشوو بیتم بولمه گنینی اورغوله دی:" طالبان محبوسلری نی افغان حکومتیگه تاپشیریش اوچون کیلشوو موجودایمس، امابولر قوییب یوباریلگنیدن سونگ دوحه گه باریشگه کیلیشیلگن ایدی. افغان حکومتی هم بو جریان دن خبردار."

شونینگ دیک امریکا نینگ افغانستانده گی ایلچیسی افغانستان و امریکا آره سیده امنیتی بیتم امضالنگن تقدیرده، میلادی 2016 آخری گه قدر کمیده اون مینگ امریکا لیک عسکر افغانستانده قالیشی نی ایتدی.

باشقه تاماندن پاکستان نینگ راکتی هجوملری باره سده امریکا نیگه مناسبت بیلدیرمیدی دیگن سوراق لر بولدی، امریکا ایلچیسی ایککی دولت اره سیده امضالنگن استراتیژیک همکارلیک بیتیمده شوندی بیرحالت لرده امریکا حربی مناسبت بیلدیریشی اوچون هیچ قندی کیلشوو موجود ایمس لیگینی تاکیدله دی. بیراق بومعما دیپلماتیک یوللر آرقه لی حل بولیشیگه امید بیلدیردی.